Ubuntu Linux
Us der alemannische Wikipedia, der freie Dialäkt-Enzyklopedy
Ubuntu isch es GNU/Linux-Betriebssystem, wo uf Debian basiert. Ufgrund vu dr eifache Bedien- und Konfigurierbarket, dr Unterstützig dur d'Entwickler und dr Gmeinschaft sowie sinre Gstaltig het es sich innerhalb churzer Zyt zue nere beliebte und bekannte Linux-Distribution entwickelt und wird dorum besunders "Linux-Neuling" empfohle. Aber au viili fortgschritteni Linux-Benützer sind mit Ubuntu zfride, will es au sehr apassigsfähig isch. So isch Ubuntu in chürzistr Zyt zue dr weltwit erfolgriichschte Distribution entwicklet.
Ubuntu Linux wird vu Canonical Ltd. vum Mark Shuttleworth gsponsert. Am 1. Juli 2005 isch d'Ubuntu Foundation mit eme Startkapital vu 10 Milione US-Dollar is Lebe gruefe worde. S'Wort Ubuntu chunnt us de Sproche vu dr Zulu und dr Xhosa. Es stoht für "Menschlichkeit" und "Gmeinsinn", aber au für dr Glaube an e "universelles Band vum Teile, wo alli Mensche verbindet". Die meischte vu de ungfähr 40 hauptbruefliche Ubuntu-Entwickler chömmet us de Debian- und de GNOME-Gmeinschaftene.
Am 30. Oktober 2008 isch d'Version 8.10 ("Intrepid Ibex") mit Kernel 2.6.27 veröffentlicht worde. Z'Speziell a de Versionsnummere isch, dass d'Nummer s'Erschinigsdatum darstellt. 8.10 staht drmit für's Johr 2008, dr 10. Monet.
Standardbenutzeroberflächi vu ubuntu isch Gnome, d'KDE-Version vu Ubuntu heisst Kubuntu. Es git e Vilzahl vu wittere Ubuntu-basierte Distributione.
[ändere] Entwikligsgschicht
Jedi Version het en eigene Codename und ei Versionsnummere, wo uf em jewilige Veröffentlichungsjohr und -monet basiert. So staht bispiilswys 5.10 für Oktober 2005. Ds Projekt hät sich zum Ziel gsetzt, alli sechs Monet ei neui Version vor Distribution z'veröffentliche.
| Legände: | |||||
|---|---|---|---|---|---|
| nid unterstützt | |||||
| no unterstützt | |||||
| aktuell usgliferet | |||||
| vorus veröffentlichet | |||||
| zurzyt entwicklet | |||||
| scho akündiget | |||||
| Version | Codename | Veröffentlicht | Amerkig |
|---|---|---|---|
| 4.10 | Warty Warthog | 20. Oktober 2004 | ersti Version |
| 5.04 | Hoary Hedgehog | 8. April 2005 | erstmol Kubuntu |
| 5.10 | Breezy Badger | 13. Oktober 2005 | |
| 6.06 LTS | Dapper Drake | 1. Juni 2006 | LTS-Version, erstmol Xubuntu |
| 6.06.1 LTS[1] | Dapper Drake Point One | 10. August 2006 | LTS-Version (Update) |
| 6.10 | Edgy Eft | 26. Oktober 2006 | „Testversion“ |
| 7.04 | Feisty Fawn | 19. April 2007 | |
| 7.10[2] | Gutsy Gibbon | 18. Oktober 2007 | |
| 8.04 LTS[3] | Hardy Heron | 24. April 2008 | LTS-Version |
| 8.10 | Intrepid Ibex | 30. Oktober 2008 | |
| 9.04 | Jaunty Jackalope | 23. April 2009 | |
| 9.10 | Karmic Koala | Oktober 2009 |
[ändere] Webgleicher
[ändere] Quälle
