KDE

Us der alemannische Wikipedia, der freie Dialäkt-Enzyklopedy
Kool Desktop Environment

KDE 5.16 mit verschidene Progrämm
Basisdate
Maintainer Matthias Ettrich
Entwickler Das KDE Team
Erschynigsjohr 1996
Aktuelle Version 5.112.0 (Frameworks)[1]
(12. Novämber 2023)
Betribssystem plattformunabhängig
Programmier­sproch C++
Kategorii Desktop Umgäbig
Lizänz GNU General Public License
Dütschsprochig ja
Alemannisch nei
KDE.org

KDE isch e Projekt zum freiji Software z entwiggle. Si Hauptprodukt isch d KDE Software Compilation 4 (früener K Desktop Environment, abkürzt KDE). Das isch e omfangreiche Desktop-Umgebig für UNIX und Linux System. D Version KDE Frameworks 5.3 isch am 7. Oktober 2014 usecho. S KDE ischt en vile Dischtributiona d standart Desktop-Omgebong.

D Entschtehongsgschicht vom KDE[ändere | Quälltäxt bearbeite]

KDE - Kool Desktop Environment[ändere | Quälltäxt bearbeite]

Ens Leaba grufa wora isch s KDE-Projekt am 14. Oktober 1996, dur en uffruaf em Usenet vom Matthias Ettrich. S UNIX onds Linux send emmer bliabter wora, aber zom Notza isches fiar d broide Mass it gschickt. Er wollt ah scheene ond oifache Oberfläch hau. Als Noma hat er deam Deng de Nama KDE - KOOL DESKTOP ENVIRONMENT geah.

Vo de erschte Doale zom KDE.EV[ändere | Quälltäxt bearbeite]

Dia grondlegend Idee isch gweah, dass älles Grafisch sei sott ond dia Omgebong älles wa so em noramla Leaba ahfällt aus oirer Hand abietedt. S'erschte wa gschriaba worra isch, ischt dr KWM K-WINDOW MANGER gsei direkt gfolgt voam K-PANEL. Ogfähr zur gleicha Zeit send dia erschte Library-Classes uffgsetzt worra, dia allererschte isch dia KConfig Klasse gsei. Ah bisle Später ischne na uffganga, dass des KConfig äweng ogschickt isch ond se hend de KApplication Class gmacht. Ah andre Grupp hot sich derweil om de kfm kimmert, der so ziemlich älles kenna het solla. Em fria Novembr 1996 send dia erschte Doil vom KDE Veröffentlicht wora. Des no recht jonge Projekt Problem hat na ua bald de erschte Ärger khet, wega dr Lizenz vom QT was de GPL ond GNUstep Leit it so recht passt hot. Se hend na probiert sell en Griff zom kriaga wo se 1997 dia KDE-FreeQT License ausgschachert haud. Em Mai isch na au's erschte KDE Treffa gsei. Dert hend se na au d KDE Vrei grendet.

KDE 1.0[ändere | Quälltäxt bearbeite]

S'KDE 1.0 isch am 12 Juli 1998 rausbrocht wora. S`KOMframework, dr kdm, s`KMAIL, onds krn wared d'Bestandoil vo dera Veröffentlichong. En de weitere 1.x.x. Veröffentlichonga hend se veil Fehler vo dr erschte Stond grichtet ond an haufa neie Sache neibaut wia Sound, Belder ond Prozessverwaldong.

KDE 2.0[ändere | Quälltäxt bearbeite]

Aem 23. Oktober 2000 isches KDE 2 Vorgschtellt wora. Da hend se erschte mol de Konqueror onds KOffice zoigt. A poor dääg davor, am zwoita Oktober, ischtes erschte Treffa vo der Dokumentationsgruppa gsei.

KDE 3.0[ändere | Quälltäxt bearbeite]

Mitem KDE 3 isch am 3. April 2003 dia Grondlag füres momentane KDE rausbrocht wora.[2]

KDE 4.0[ändere | Quälltäxt bearbeite]

Isch am 7 Mai 2008 usecho und het umfangriichi neuerige bracht. Em November 2008 isch na dia aktuell 4.1.3 Versio rauskomma. Des 4.1.3 isch aber kei gaaz neie Versio sondern veilmehr a Versio zor Inschtandhaltong ond Fählrverbessrong, weils 4.0 ä bisle Macke khet hot. Vo dem hear konnt au der Spitznoma "Change". Fiar Entwickler ond Teschter geits em moment a neie 4.2 Beta Versio zom ausprobira.

Beschtandtoil vom KDE[ändere | Quälltäxt bearbeite]

Dr K Desktop Environment[ändere | Quälltäxt bearbeite]

  • Konqueror Browser: Des isch der Web/File Browser vom KDE, mit viele Fonktiona dia vom Netscape oder vom Firefox her bekannt send. Plugins vom Netscape oder Mozilla kennad direkt miteibonda werra wia zom Beischpiel Flash, Java ond no veil mehr.
  • KOffice Office Suite: Ischt a vollomfängliche Büroomgebong fir Tekschtverarbeidong, Tabella, Vektorgrafika ond Präsentationa ond andre Sächle.
  • KIO Network Transparency: Mit kah mer an haufa gängige Netzwerkprotokoll bedieana ond nutza.
  • aRts Multimedia Architecture: Ischt dia Grondlag fiar de Multimedia Sacha onder KDE.
  • Customizability: S Erscheinongsbild vom KDE kah je noch Gschmack uffbaut wera, veile vorgrichtete Oberflächa stend zur verfügong. Au kann dia Oberfläch Modular, also Stickleweis instaliert werda.
  • Standards Compliance: Dia Entwickler versuched sich an älle vor allem dia offene Standarts zom Halda.[3]

Weblink[ändere | Quälltäxt bearbeite]

Fuessnoote[ändere | Quälltäxt bearbeite]

  1. kde.org.
  2. The History of the KDE Project Archivlink (Memento vom 6. Septämber 2007 im Internet Archive)
  3. About KDE