Thomas Newcomen

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Dr Thomas Newcomen (* 26. Februar 1663 z Dartmouth; † 5. August 1729 z London) isch en änglische Erfinder gsi.

Si Erfindig[ändere | Quälltäxt bearbeite]

Prinzipzeichnig vo dr Dampfmaschine vom Newcomen
Animation vo dr Dampfmaschine vom Newcomen

D Dampfmaschine vom Newcomen het e Wasseriisprützig benutzt, zum dr Wasserdampf im Zylinder z chüehle und es lot kondensiere. Dodrdur isch im Zylinderruum en Unterdruck entstande, so dass dr Luftdruck, wo vo usse uf e Cholbe gwirkt het, dä wiider in dr Zylinder ine gschobe het. Das isch e grossi Verbesserig gsi gegenüber de Maschine, wo bis denn bruucht worde si, wil die einfach gwartet hai, bis dr Inhalt im Zylinderruum über s Material vom Cholbe und vom Zylinder as Wermileiter vo sälber wider abküehlt und eso dr Dampf kondensiert het. Im Newcomen si Erfindig het eso dütlig höcheri Cholbetakt möglig gmacht.

Aber au eso isch dr Wirkigsgrad vo dr Maschine mit nume 0,5 Prozänt sehr niidrig gsi. Trotzdäm si d Dampfmaschine vom Newcomen erst geges Ändi vom 18. Johrhundert vo de Dampfmaschine vom James Watt verdrängt worde.

D Ventil zum Iineloo vom Dampf und zum Iisprütze vom Chüehlwasser in dr Zylinder si am Afang vo Hand bedätigt worde. Eine vo de Buebe, wo das gmacht hai, dr Humphrey Potter, het 1712 oder 1713 d Idee gha d Ventil vo dr Maschine sälber lo uf- und zuemache. Er het dr Balancier(balke), wo ufe- und abe gangen isch, mit Schnüer mit de Hähne verbunde und het eso die automatischi Stüürig erfunde. [1] [2]

Literatur[ändere | Quälltäxt bearbeite]

  • Rhys Jenkins: Savery, Newcomen and the Early History of the Steam Engine in The Collected Papers of Rhys Jenkins. Newcomen Society, Cambridge 1936, S. 48-93.
  • Lionel Thomas Caswell Rolt: Thomas Newcomen. The Prehistory of the Steam Engine. 1. Uflag. David & Charles, Dawlish 1963, S. 158.
  • Lionel Thomas Caswell Rolt, John S. Allen: The Steam Engines of Thomas Newcomen. 2. Uflag. Moorland Publishing Company, Hartington 1977, ISBN 0903485427, S. 160.

Weblingg[ändere | Quälltäxt bearbeite]

Quelle[ändere | Quälltäxt bearbeite]

  1. Erfindungen und Experimente, Walter Häntzschel, Band I, 1906
  2. http://www.digitalis.uni-koeln.de/Scherzer/scherzer30-35.pdf Die Dampfära
Dä Artikel basiert uff ere fräie Übersetzig vu dere Version vum Artikel „Thomas_Newcomen“ vu de dütsche Wikipedia.

E Liste vu de Autore un Versione isch do z finde.