Syngman Rhee

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dr Syngman Rhee (1956)

Dr Syngman Rhee oder Rhee Syngman (rev. Rom. Seungman Yi, McCune-Reischauer Syngman Rhee, koreanisch 이승만 und 리승만, hanja 李承晩; uf d Wält cho as Rhee Syngryong; 18. April 1875 z Haeju, denn z Korea und im hütige Südkorea; † 18. April 1965 z Honolulu uf Hawaii) isch e südkoreanische Politiker und vo 1948 bis 1960 dr erst Bresidänt vo Südkorea gsi. Si Reschiim isch vo de USA understützt worde, wo in em e zueverlässige Verbündete im Kampf gegen e Kommunismus gsee häi. Dr Rhee het zerst s Land mit Gwalt welle widerveräinige. Im Koreachrieg vo 1950 bis 1953 het en nume grettet, ass Drubbe vo dr UNO iigrife und d Nordkoreaner us em Süüde verdriibe häi. Innepolitisch isch im Rhee si Regierig repressiv und undemokratisch gsi. Si Wiiderwaal 1956 und 1960 isch woorschinlig manipuliert gsi. 1960 häi Protest vo Studänte verhinderet, ass er im Amt het chönne witermache, und dr CIA het en uf Hawaii usgfloge. Dr Rhee isch im Exil z Honolulu gstorbe.

Weblingg[ändere | Quälltäxt bearbeite]

 Allmänd (Commons): Syngman Rhee – Album mit witere Multimediadateie