Stephan Eicher

Dr Stephan Eicher (* 17. August 1960 z Münchenbuchsee bi Bern) isch ä Schwizer (Rock-) Chansonnier. Är singt sini Lieder uf Französisch, Dütsch, Änglisch, Italiänisch u Bärndütsch. Bekannt isch är ir Schwiz i dä 1980er Jahr mit sire Bänd Grauzone mit äm hit Eisbär worde. Siders isch är z Frankrich und o ir Schwiz mit verschidnige Bänds erfougrich ungerwägs.

Läbä u Wärch

Dr Stephan Eicher stamm us ärä jenischä Familie. Sini Chindheit het är z Münchebuchsee verbracht; speter isch är de i nes Internat z' Hasliberg gange. Sini musikalischi Usbiudig het är du de ar Zürcher Kunstschu F+F becho. Dert het är o glehrt wie me mit ämänä Komputer komponiert.

Sini erschti Platte Eisbär het dr Stephan Eicher no mit sim Brüätsch Martin zäme 1980 aus Bänd Grauzone ufgno. Später het dr Stephan Eicher de allei u prägt vo wäuschne Chansonniers Plattene ufgno.

Mit de Plattene I tell this night u Silence het är sech i de 1980er Jahr ir Schwiz chönne etabliert. Diä zwo Plattene het dr Stephan Eicher quasi allei ufgno und au Instrumänt säuber gspiut.

Mit My Place het dr Staphan Eicher 1989 du de öppis nöis usprobiert. Dr Philippe Djian, ä renomiertä französische Schriftsteuer u guätä Fründ vom Eicher, het ihm wäuschi Texte gschribe und äs Strichquartett het nä begleitet. Si gröscht kommerzieu Erfolg het är aber du de 1991 mit dr Platte Engelberg gha. Z Lied Déjeuner en paix isch o Frankrich ä Nummer-eis-Hit worde. Uf derä Platte het är o z'Lied Hemmige vom Mani Matter ire Zigünerjazzversion druf. Mit dä nächste Plattene het är sech ab denn du de geng chönne vore i dr Hitparade platziere.

2001 isch de äs bescht-of Aubum usecho. Äs het Hotel^*s, nach em Hotel Hess z Ängbärg gheisse. Säb Hoteu isch über Jahr wie es zwöits Deheim für e Stephan Eicher gsy. 2003 isch dr Stephan Eicher für d Platte Im Taxi von Hamburg bis Palermo, eine musikalische Reise durch die Kulturen zimlech wiit mit em Taxi ungerwägs gsy. Ds Titustück Taxi Europa het är mit äm Herbert Grönemeyer u äm Max Gazzé ufgno.

Für d Platte Eldorado het ihm 2007 dr Zürcher Schriftsteuer Martin Sutter Texte gschribe. Die zwe si gueti Fründe u dr Stephan Eicher het 2009 d Lieder für am Martin Sutter sis Musical Geri gschribe.

Diskografii

Studioaube

1980 Spielt Noise Boys
1983 Les Chansons Bleues
1985 I tell this night
1987 Silence
1989 My Place
1991 Engelberg
1993 Carcassonne
1996 1000 Vies
1999 Louanges
2003 Les Chansons Bleues (Wiederveröffentlichung mit neuen Versionen)
2003 Monsieur N.(Filmmusik zum gleichnamigen Film)
2003 Taxi Europa
2004 Tour Taxi Europa
2007 Eldorado
2010 Spielt Noise Boys
2012 L’envolée
2017 Song Book

Live

1994 Non ci badar – guarda e passa

Kompilationä u Raritäten

1992 Dr Alpeflug, Samplerbeitrag auf Matter Rock (Zytglogge)
2001 Hotel^*s (Best-of-Album)
2009 Traces

Video u DVD

1994 Guarda e passa, VHS
2003 Film^*s, DVD
2004 Tour Taxi Europa, DVD
2009 Eldorado-Trio Live, DVD

Eps u Singles

1980 Noise Boys, Single
1980 Stephan Eicher spielt Noise Boys, Mini-LP
1982 Les filles du Limmatquai, Solo-Mini-LP
1982 Souvenir, Mini-LP

Charts

Singles

Two People In A Room (1986) F#27
Combien de temps (1987) F #14, CH #19
Guggisberglied (1989) CH #13
Déjeuner en paix (1991) F #2
Pas d'ami (comme toi)(1992) F #7
Hemmige (1992) F #27, CH #6
Tu ne me dois rien (1992) F #25
Des hauts, des bas (1993) F #12, CH #19
Ni remords, ni regrets (1993) F #49
Oh ironie (1996) F #23, CH #34
Taxi Europa (Stephan Eicher feat. Gazzè & Grönemeyer) (2003) CH #53
L'hymne à l'amour (Aznavour, Boulay, Eicher, Biolay, Macias, Maurane, Foly, Fontaine, Mami, Leroy, Pagny & Badi)(2003) F #50
Weiss nid was es isch (2007) CH #19
Rendez-Vous (2007) CH #36
Eldorado (2007) CH #24

Aubä

Les chansons bleues (1984) CH #21
I Tell This Night (1985) CH #10
Silence (1987) CH #3
My Place (1989) CH #4
Engelberg (1991) CH #1
Carcassonne (1993) D #68, CH #1
Non ci badar, guarda e passa (1994) CH #5
1000 vies (1996) F #18, CH #1
Louanges (1999) F #6, CH #4
Hotel S (Best Of)(2001) CH #2
Taxi Europa (2003) F #22, CH #2
Tour Taxi Europa (2004) F #104, CH #51
Eldorado (2007) F #5, CH #1

Weblink

Commons: Stephan Eicher – Sammlig vo Multimediadateie

Offizielli Homepage (numä mit Flash-Plugin zugänglich)
Porträt bi laut.de
Stephan Eicher bi Allmusic (änglisch)
Eicher Stephan Eicher bi Discogs (änglisch)