Star (Vogel)

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Store
Sturnus vulgaris 2 (Marek Szczepanek).jpg

Store (Sturnus vulgaris)

Systematik
Ordnig: Spatzevögel (Passeriformes)
Underordnig: Singvögel (Passeri)
Familie: Store (Sturnidae)
Underfamilie: Store (Sturninae)
Gattig: Sturnus
Art: Store
Wüsseschaftlige Name
Sturnus vulgaris
Linnaeus, 1758
Sturnus vulgaris

De Store (Sturnus vulgaris; alemanischi Näme) isch e Zugvogel, wo im November vo Mitteleuropa as Mittelmeer zücht und im Horner as ersti Zugvögel wider zruggcheert, s cha aber au vorchoo as alti Store i Groostädt öberwinteret. I de Alpe chunnt er bis 2200 müM vor.

Uussie[ändere | Quälltäxt bearbeite]

De Store isch e schwarze Vogel mit vile wiisse Tüpfli, sini Flögel gönd is Bruune ine. Er het e chorze Schwanz. Siin spitze Schnabel isch uufälig geel. Jungi Store sind graubruu. Er werd 19 bis 22 cm grooss, het e Spannwiiti vo 37 bis 42 cm und wögt 75 bis 90 Gramm.

Lebeswiis[ändere | Quälltäxt bearbeite]

De Store mag Laubwälder und Obstgärte und isch au i de Städt hüüffig. Er brütet gern am Waldrand i Bommhöölene, aber au i Muurllöcher und under loose Tachziegel und i Vogelhüsli. Er fresst Insekte, Würmer, Söömli, Beere und au Ops. Jungi Store versammlet sich abem Mai zu Schwärm. Im Herpst bildet ali Store groossi Schwärm und flüüget denn as Mittelmeer.

De Gsang vom Store isch abwechsligsriich und er macht gern Grüüsch und anderi Vögel noche, bsunders d Goldamsle imitiert er guet.

Büecher[ändere | Quälltäxt bearbeite]

  • Urs N. Glutz von Blotzheim, Kurt M. Bauer, Einhard Bezzel: Handbuch der Vögel Mitteleuropas. Passeriformes (4. Teil): Corvidae–Sturnidae. Band 13-III, Aula-Verlag, Wiesbaden 1993, ISBN 978-3891045428.
  • Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7
  • Heinz Staffelbach: Handbuch Schweizer Alpen; Bern 2008.ISBN 978-3-258-06895-4

Weblink[ändere | Quälltäxt bearbeite]

 Allmänd (Commons): Store – Album mit witere Multimediadateie