Schwizer Demokrate (SD)
| Schweizer Demokraten | |
|---|---|
|
| |
| Gründigsdatum: | 1961 (als NA) |
| Präsidium: | Bernhard Hess |
| Generalsekretär: | Roland Schöni |
| Mitgliider: | 5800 (Stand: 2007) |
| Wähleraadeil: | 0,5 % (Stand: NR-Wahle 2007) |
| Nationalroot: | - |
| Ständeroot: | - |
| Parteigliiderig: | 15 Kantonalparteie |
| Website: | www.schweizer-demokraten.ch |
D Schwizer Demokrate (SD) si e Partei ir Schwiz, wo als rechts (oder mängisch o rechtsextrem) igstuft isch.
Si si in verschidene Parlament vertrete, hei aber nur e gringe Wählerateil vo under 1 %.
Gschicht
[ändere | Quälltäxt bearbeite]Im Jahr 1961 si si als Nationale Aktion gägä d Überfrömdig vo Volk und heimat gründet worde. 1963 hei si mit Parole wi "D'Überfrömdig als Ursach vo riesige Überbauige lât ganzi Landschafte la verschwinde" für Ufsehe gsorgt. 1965 ich d parteizitig "VOLK + HEIMAT" z erschtmal erschine. 1967 isch dr dr erst SD-Nationalrat, dr Dr. James Schwarzenbach, gwählt worde. 20. Mai 1970 het ihri erschti Initiative gäge Überfremdig erfolg gha mit über 46 Prozent Ja-Stimme. 1970/1971 het de Dr. James Schwarzenbach d Partei verlah und sini eigeni gründet, d "Republikanische Bewegung". Neue Präsident vo de Nationale Aktion isch nach em Rudolf Weber dä Valentin Oehen worde. 1973 isch d Jung-Nationalen Aktion JNA gründet worde. Am 22. Oktober 1977 isch dem Namä anre usserordentliche Delegierteversammlig i "Nationale Aktion für Volk und Heimat" gändert worde. Am 2. Dezember 1984 hed es NA-Refrendum d Ifüerig vomene Usländerrat verhindere. Im April 1986 hed de Nationalrat Valentin Oehen nach persönliche Differenze mit de Partei d NA verlah. Am 9. Juni 1990 häd d NA ihre Name a de Delegierteversammlig z Neuchâtel i Schweizer Demokraten umbenennt. Im September 1990 isch de Name vo de Parteizitig "VOLK + HEIMAT" i "Schweizer Demokraten" gändered worde.