Sankt Sümforian

Sankt Sümforian, uf französisch Saint-Symphorien-sur-Saône, isch e Gmeind im französische Departemänt Côte-d'Or.

S Dorf het dr Name vom heilige Symforian übercho, wo en adlige Maa us Autun i dr Römerzyt gsi isch und vo de Römer umprocht worden isch, wil er dr heidnisch Kult vo dr Göttin Sybele nid het welle mitmache.

Sid em Joor 1046 het d Chile vom Sümforian em Chlooschter Losne ghört. Ane 1784 het dr Fürscht Ludwig V. Josef vo Bourbon-Condé dr Grundschtei füre Rhin-Rhone-Kanaal gleit, wo do sin südliche Aafang hät. Für dä Kanaalbou sind z Sankt Sümforian au no zwe Brugge, e Schlüüse und e Wassermüli bout worde. 1832 isch im Dorf es Undernääme zum d Ware vo de Kanaalschiff uf d Flusschiff vo dr Soone umzlade gründet worde.

Sid 1789 isch s Dorf en eigeti Gmeind.

• 
  d Soone und dr Kanaal
• 
  dr Chiledurm
• 
  s Rothuus

Weblink

 Commons: Saint-Symphorien-sur-Saône – Sammlig vo Multimediadateie

• d Website vo dr Gmeind (Site cha nüme abgrüeft wärde; Suche im Webarchiv)[1] [2] Vorlage:Toter Link/www.stsymphorien-saone.fr
• Saint-Symphorien-sur-Saône uf dr Syte vom Insee