Ruine Burge
| Ruine Burge | ||
|---|---|---|
 Luftbild vu Burge, links d Ruine Burge | ||
| Alternativnäme: | Nejs Schloss, Schwendi-Schloss | |
| Entstehigsziit: | 900 bis 1000 | |
| Burgetyp: | Hecheburg, Spornlag | |
| Erhaltigszuestand: | Räscht vum Nejböu | |
| Ständischi Stellig: | Adligi, Grofe, Burgerligi | |
| Ort: | Vogtsburg-Burge | |
| Geografischi Lag: | 48° 6′ 0″ N, 7° 35′ 46″ O | |
| Höchi: | 200 m ü. NN | |
| ||
D Ruine Burge, au Nejs Schloss oder Schwendi-Schloss gnännt, isch e Burgruine sidweschtlig vum Ortsdeil Burge vu dr Stadt Vogtsburg im Chaiserstuehl im Landchreis Bryysgau-Hochschwarzwald z Bade-Wirttebärg. Si lyt uf eme gäche Felse in Spornlag.
Gschicht[ändere | Quälltäxt bearbeite]
Die Hecheburg isch vor 1000 vu dr Herre von Burkheim böue wore. Anne 1231 wird si s erscht Mol gnännt. Anderi Bsitzer sin d Markgrofe von Hachberg gsi un 1316 d Herre von Üsenberg, 1561 dr Lazarus von Schwendi un d Familie Bastian. No Zersterige un Widerufböute isch d Burg 1672 bis 1676 im Luxeburgische Chrieg ändgiltig gschlisse wore. 1991 bis 1995 isch d Schlossmuure saniert wore. Hite isch d Burg in Privatbsitz vun ere Wyychällerei.
Aalag[ändere | Quälltäxt bearbeite]
Vu dr ehmolig Burgaalag sin no Räscht vum Nejböu, eme langgstreckte Wohnböu mit eme hoche Gibel, un Räscht vu dr Währmuure erhalte.
Literatur[ändere | Quälltäxt bearbeite]
- Friedrich-Wilhelm Krahe: Burgen des deutschen Mittelalters. Grundriss-Lexikon. Sonderausgabe. Flechsig, Würzburg 2000, ISBN 3-88189-360-1
- Max Miller, Gerhard Taddey: Handbuch der historischen Stätten Deutschlands. Band 6. Baden-Württemberg. Stuttgart 1965