Rotkehlchen

Rööteli

Rööteli
Rööteli (Erithacus rubecula) Gsang i de Morgedämmerig?/i
Systematik
Chlass: Vögel (Aves) Ordnig: Spatzevögel (Passeriformes) Underordnig: Singvögel (Passeres) Familie: Flüügeschnäpper (Muscicapidae) Gattig: Erithacus Art: Rööteli
Wüsseschaftlige Name
Erithacus rubecula
(Linnaeus, 1758)

S Rööteli oder s Rootbrüstli (Erithacus rubecula; alemanischi Näme) isch e Zugvogel, wo i Mitteleuropa hüüffig dor s ganze Joor vorchunnt und i de Alpe bis zonere Hööchi vo 2500 müM aaztreffen isch. Rööteli wo in Mitteleuropa brüetet züchet Mitti November as westliche Mittelmeer und cheeret afangs März wider zrugg. Die Rööteli wo bi üüs im Winter aztreffe sind, sind Wintergäst us Osteuropa.

Uussie

Rööteli hend e bruuni Obersiite und e wiisse Buuch. Uuffällig und geut erchennbar isch es, well d Stirn, de Hals und d Brost röötsch isch und drom au Rootbröstli haisst. D Auge sind schwarz und de Schnabel zimli chlii. Mandli und Wiibli gsiend gliich uus. S Rööteli isch e chliine Vogel wo 12 bis 14 cm grooss werd. D Spannwiiti bitrait 20 bis 22 cm und s wögt 16 bis 22 Gramm.

Lebeswiis

S Rööteli mag Wälder mit vill Underholz, Pärk und Gegete mit Büsch und Hecke und chunnt au i Sidlige vor. Sis Nest bauts i Hööline vo Bommstrünk oder under dichtem Gstrüpp. Ufem Bode hüpfts schnell umenand und verfolgt Tier, wo i de Erde wüelet und schüücht au vo Gärtner bim Umsteche nöd zrugg und fangt denn Oozifer, wo ase a d Erboberfläche choo sind. Si flatteret nume grad churzi Streckine.

S Rööteli isch dämmerigsaktiiv, so as sin abwechsligsriichi und melodiöösi Gsang vor alem im früene Morge und im Oobed ghört werd. Im Gegesatz zo de maiste Singvögel singet Wiibli und Mandli und de Gsang vom Rööteli cha mengisch au im Winter ghöört were.

Büecher

• Heinz Staffelbach: Handbuch Schweizer Alpen; Bern 2008.ISBN 978-3-258-06895-4
• Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7