Robert Koch-Institut

S Robert Koch-Institut (RKI) isch e sälbständigi Instituzioon vo der dütsche Bundesverwaltig. Es luegt, was es im Land für schwääri asteckendi und au anderi Chrankete git. Es isch em Bundesministerium für Gsundheit zuegordnet.

Es forschet über vil Frooge vo dr Gsundheit vo de Lüüt, wo z Dütschland woone, und es isch die wichtigschti dütschi Yrichtig für di medizinischi, biologischi und epidemiologischi Forschig über die gfäärliche Chrankete, wo s druus chönnt Süüchine gää. Es schaffet au mit ussländischen Instituzioone vo dr Forschig un dr Gsundheitspolitik zäme.

Em RKI sys Haupthuus isch z Berlin, und anderi Hüüser het s au i z Berlin un z Wernigerode. Es schaffe biinem öppe 1100 Lüüt.

Anne 1891 isch s Pröissische Institut für Infekzioonschrankete gründet worde, wo der Robert Koch gleitet het; vo iim isch dr hüttigi Name vom Huus.