Räbluus
D Räbluus (latynisch: Daktulosphaira vitifoliae und Viteus vitifoliae) isch es Dier us dr biologische Familie vo de Zwärglüüs. Si isch e grosse Schädling für e Wyybou.
Die Lüüs sind öppe ein Millimeter gross. D Räbluusflöige legge d Eier a d Rinde vom Räbstock. D Dier, wo do druss schlüüfe, legge iri Eier deils a d Bletter; anderi wandere zu de Wurzle im Bode, wo si sech vermehre; und wenn dr Winter vrby isch, frässe si die junge Wurzle und d Wiibli bringe wider Eier a d Rinde ufe. Wil d Wurzle nümme funkzioniere, stirbt d Pflanzen ab.
D Räbluus chunt us Nordamerika. Si isch i de 1860er Joore uf Europa cho, wo si zerscht z Frankrych riisegi Gebiet, nämlech öppe zwöiehalb Millioone Hektare vo Rääbe ganz kabut gmacht het. Au z Dütschland, i dr Schwiiz und z Öschtrych het d Räbluus als «Neozoe» i de Wyygebiet schlimm gwüetet.
Literatur[ändere | Quälltäxt bearbeite]
- Victor Fatio: Die Phylloxera (Reblaus). Kurzgefaßte Anweisungen zum Gebrauche für die kantonalen und eidgenössischen Experten in der Schweiz. Ins Deutsche übertragen von H. Krämer. 2. Auflage. Aarau 1879.
- Hanns-Heinz Kassemeyer, Günter Schruft: Krankheiten und Schädlinge der Weinrebe. Th. Mann, Gelsenkirchen 1999, ISBN 3-7862-0112-9.
Weblink[ändere | Quälltäxt bearbeite]
Commons: Reblaus (Daktulosphaira vitifoliae) – Sammlig vo Multimediadateie