Random-Access Memory

Us der alemannische Wikipedia, der freie Dialäkt-Enzyklopedy
Hops zue: Navigation, Suech
DRAM-Chip U61000D mit 1 MiBit.
Prinzipielli Aaordnig vo de Spiicherzälle in Reihe und Spalte (Matrix) in eme RAM

S Random-access memory (dt.: Spiicher mit wahlfreiem Zuegriff), abkürzt RAM, isch e Datespiicher, wo vor allem bi Computer as Arbetsspiicher iigsetzt wird. Die gängigste Forme ghöre zu de Halbleiterspiicher. RAM wird as integrierte Schaltkreis hauptsächlich in dr Silizium-Technologii realisiert und in allen Arte vo elektronische Apparät iigsetzt.

Charakteristik[ändere | Quälltäxt bearbeite]

D Bezeichnig vom Spiichertyp as „wahlfrei“ bedütet in däm Zsämmehang, ass jedi Spiicherzelle über ihri Spiicheradrässe diräkt cha agsproche wärde. Dr Spiicher muess aso nit sequenziell oder in Blöck usgläse wärde. Bi groosse Spiicherbaustei wird d Adressierig aber nit über die einzelne Zälle, sondern über e Wort gmacht, wo d Breiti drvo vo dr Spiicherarchitektur abhängt. Das unterscheidet s RAM vo Spiicher, wo as blockwiis beschriibe wärde, de so genannte Flash-Spiicher.

Dr Begriff „random-access memory“ wird hüte immer im Sinn vo „read-write random-access memory“ (RWRAM, „Schriib-Läs-RAM“) bruucht. Es git anderi Spiicherarte mit wahlfreiem Zuegriff, bsundrigs Nume-Läs-Spiicherbaustei (Festwärtspiicher, ROM). Wil d Bezeichnig RAM missverständlig isch, het me brobiert dr Begriff „read-write memory“ (RWM, Schriib-Läs-Spiicher) iizfüehre. Dä het sich aber nit chönne duresetze.

Dä Artikel basiert uff ere fräie Übersetzig vu dere Version vum Artikel „Random-Access_Memory“ vu de dütsche Wikipedia.

E Liste vu de Autore un Versione isch do z finde.