Pittura metafisica

Us der alemannische Wikipedia, der freie Dialäkt-Enzyklopedy
Hops zue: Navigation, Suech

D Pittura Metafisica (Metaphüsischi Moolerei) isch en italiänischi Ströömig in dr Moolerei, wo sich vo öbbe 1910 aa entwicklet het und bis in d Middi vo de 1920er-Joor gangen isch. Dr Naame chunnt vo Metafüsik, was d Leer vo de Gründ und Zämmehäng vo däm wo isch, bedütet. Im Joor 1917 häi dr Giorgio de Chirico, si Brueder Alberto Savinio und dr Futurist Carlo Carrà d Scuola Metafisica z Ferrara gründet.

Charakteristike[ändere | Quälltäxt bearbeite]

Als charakteristisch für d Pittura Metafisica cha gälte, ass s Übersinnligi, das, wo mä nume dur s Dänke cha erkenne und s Gäistige, wo usserhälb vo dr Wält vo de Sinn lit, s Transzendänte, zum e bildnerische Süsteem erhoobe wird. D Folge vo de Bildinhalt lige drbi vilmol äänedraa vom sinnlig Erfaarbaare und e zwäiti gheimnisvolli Wirklikäit versteckt sich hinder de sichtbare Ding.

Daarstellig[ändere | Quälltäxt bearbeite]

D Moolerei vo dr Pittura Metafisica zäigt Blätz, wo mäistens menscheleer si und e chli wie Büünene usgseen. S Schaner isch brägt dur verändereti Broborzioone, unrealistischi Farbe, unkorräkti Widergoob vo Liecht und Schatte, und meereri perspektivischi Fluchtpünkt. Wil d Luftperspektive, wo dr Iidruck vo Diefi git, feelt, gseen e Hufe Gmäld us, wie wenn si e Vakuum wurde zäige. Im Inhalt nooch wird vilmol zäigt, wie bestehendi Wärt iire Wärt ändere und eso wird e Verbindig zum Widersprüchlige gmacht.

Verdräter[ändere | Quälltäxt bearbeite]

Drei bekannti Verdräter vo dr Pittura metafisica si:

Dä Artikel basiert uff ere fräie Übersetzig vum Artikel „Pittura_metafisica“ vu de dütsche Wikipedia.

E Liste vu de Autore un Versione isch do z finde.