Parjanya

Us der alemannische Wikipedia, der freie Dialäkt-Enzyklopedy
Hops zue: Navigation, Suech

De Parjanya (skt. पर्जन्य Parjanya m. »Regewulche«; Pali: Pajunna) isch im Vedismus de Regegott, im spöötere Hinduismus und im Jinismus isch er mit em Donnergott Indra verschmolze.

Im Rigveda sind em Parjanya nume drai Hymne gwidmet. Er isch de Soo vom Dyaus und werd miteme Stier vergliche, wo mit sim Soome d Erde und d Pflanze erfrüscht. Drum isch er au e Vegatationsgott. Zudem isch er ono för d Fruchtbarkait vo de Fraue, Stuete und Chüe zueständig.

»De Sturm brecht loos und Blitz schüsset vom Himel
Pflanze schüsset uuf und de Himmel flüüsst öber:
Naarig werd giboore för die ganzi Welt,
wenn de Parjanya d Erde mit sim Soome erfrüscht.« Rigveda V,83,4

I de Religiosforschig werd diskutiert, öb e Zämehang mit em baltische Donnergott Perkunas, em slawische Donnergott Perun, em thrakische Held Perkon und em nordgermanische Gott Fjörgynn bistoot. Allerdings stimet d Näme luutlich nöd ganz öberii, so as umstriten öb do en ererbte indoeuropäische Göttername vorlitt.

Büecher[ändere | Quälltäxt bearbeite]

  • Hans Wilhelm Haussig (Hg.): Götter und Mythen des Indischen Subkontinents. Stuttgart: Klett-Cotta (1984). ISBN 3-12-909850-X