Muammar al-Gaddafi
Dr Muammar Abu Minyar al-Gaddafi oder Mu’ammar Abu Minyar al-Qaddhafi (arabisch معمر القذافي Muʿammar al-Qaddhāfī, DMG Muʿammar al-Qaḏḏāfī 
audio?/i; * 7. Juni 1942 z Yūḥannām bi Surt; offiziäll * 19. Juni 1942 z Surt, Libye[1], † am 20. Oktober 2011 z Surt) isch e libysche Bolitiker gsi. Noch eme Militärbutsch vum 1.Septämber 1969 isch er bis 1979 Staatsoberhaupt vu Libye gsii. As Revolutionsfierer un ehmolige Generalsekretär vum Allgmaine Volkskongress het er vu 1979 bis 2011 d Bolitik vu Libye bstimmt. Syt em 22. Augschte 2011 giltet er as abgsetzt un wird vu dr neie Regierig bolizeilig gsuecht.
Är isch dr Herrscher, wu am lengschte regiert het syt Libyen e Brovinz im Osmanische Ryych woren isch.[2] Dr Gaddafi het in däre Zyt fir sich un syy Familie ne Vermege vu rund 60 Milliarde Dollar aaghyflet.[3] Anne 2008 isch er vu iber 200 afrikanische Chenig un draditionälle Stammesherrscher zum King of Kings (Chenig vu dr Chenig) vu Afrika uusgruefe wore.[4]
Im Februar 2011 isch s zue landeswyten Ufstände z Libye chuu. Am Änd vum Monet het dr Gaddafi d Kontroll iber wyti Dail vum libysche Oschte an Rebälle verlore.[5] Im März hän noch ere UN-Resolution di Verainigte Staate, Kanada, Frankrych, GRoßbritannie un andri Staate mit Luftaagriff uf Libye aagfange mit em Ziil, e Flugverbotszone durezsetze. Syt em 27. Juni 2011 wird dr Gaddafi as muetmaßlige Chriegsverbrächer un wäge Verbräche gege d Mänschligkait wältwyt mit Haftbefähl gsuecht.[6]
[ändere] Literatur
- Hassan Sadek: Gaddafi. Diederichs, 2005, ISBN 3-7205-2645-3
[ändere] Weblink
Allmänd (Commons): Muammar al-Gaddafi — Witeri Mulitimediadateie zum Artikel
- Literatur vu un iber Muammar al-Gaddafi im Katalog vu dr Dytsche Nationalbibliothek
- Libyen.com – Der Revolutionsführer Muammar al-Gaddafi
- LookLex Encyclopaedia (Encyclopedy of the Orient): Artikel iber dr Mu'ammar Gadhafi
[ändere] Fueßnote
- ↑ Spiegel Online: Gaddafis Familiengeschichte, 15. Februar 2008
- ↑ Charles Féraud, “Annales Tripolitaines”.
- ↑ Gaddafi's Dutch millions Radio Netherlands Worldwide
- ↑ Gaddafi: Africa's 'king of kings' uf BBC online, 29.August 2008
- ↑ Chaos spreads across Libya in New York Times, 23. Februar 2011
- ↑ General Anzeiger, 28. Juni 2011
| Dä Artikel basiert uff ere fräie Übbersetzig vum Artikel „Computer“ vu de dütsche Wikipedia.
E Liste vu de Autore un Versione isch do z finde. |
| Persoonedaate | |
|---|---|
| NAME: | Gaddafi, Muammar al- |
| ALTERNATIVNAMEN: | Gaddafi, Muammar Abu Minyar al-; Qaddhafi, Mu'ammar Abu Minyar al-; Qaddhāfī, Muʿammar al-; Qaḏḏāfī, Muʿammar al- |
| KURZBESCHREIBUNG: | libyscher Staatschef |
| GEBURTSDATUM: | 19. Juni 1942 |
| GEBURTSORT: | Surt, Libyen |
| STERBEDATUM: | |
| STERBEORT: | |
