Mordfall Rupperswil

Dr Vierfachmord vo Rupperswil isch en Mordfall in dr Schwizer Gmeind Rupperswil gsi, wu am 21. Dezember 2015 passiert isch. Er zellt zu de schlimmste Verbreche ir Schwizer Kriminalgschicht.

Am 12. Mai 2016 isch dr muetmasslich Dääter schliesslich verhaftet worde. Es isch e 33-jöörige leedige Maa gsi und er het e Gständnis abgläit. Er het d Tat elei und sehr chaltblüetig usgfüehrt. D Opfer sind mit ihm nid in Beziehig gstande und hend en nid kennt. Er isch nid vorbestraft gsi und isch der Polizei vorher nid ufgfalle.

Ufarbeitig

Endi Augschte 2016 häts en chlinne Wirbel geh im Netz. Im Lied «Nur din Job» und em gliichnaamige Videoclip kritisiert s Trio Heinz de Specht de Boulevard-Journalismus, vorallem de Blick wäg de Prichterstattig vom Mordfall z Rupperswil.

2018 het der Blick du wider für ufregig gsorget. D Zytig het nämlich ohni Yverständnis der Vollständig Name vom Täter em Thomas N. veröffendlecht. Der Blick het du im 2019 vom Schwyzer Presserat für das grügt will di Agehörige vom Täter so unnötig a Pramger sy gstellt worde.

Georg Metger

Der Autor vom Buech Für immer. Die unfassbare Tat von Rupperswil und ihre Folgen. isch persönlech vo däm Vierfachmord betroffe gsi. Bi der Läsetour Wörterseh 2019, het är Live über d Gründ für das Buech verzellt. Bi dere glägeheit het är ou Kritik a de Medie güebt u verzellt, winer dä Fall erläbt het.

Dokumäntarfilm

• Jennifer Fuhrer, Murat Temel: Als der Horror nach Rupperswil kam. In: 20 Minuten vom 6. März 2018 (27min. Schwyzerdüütsch)

Literatur

• Georg Metger, Franziska K. Müller: Für immer. Die unfassbare Tat von Rupperswil und ihre Folgen. Wörterseh, Gockhausen 2018, ISBN 978-3-03763-084-6