Mnozil Brass

Mnozil Brass

Allgmeini Informatione
Härkumft	Osterreich Öschterriich
Gründig	1992
Website	http://www.mnozilbrass.at/
Aktuelli Bsetzig
Drumbeetè, Xang	Thomas Gansch
Drumbeetè, Xang	Robèrt Rother
Drumbeetè, Xang	Roman Rindberger (sit 2004)
Bosuunè, Bassdrumbeetè, Xang	Leonhard Paul
Bosuunè, Xang	Gerhard Füßl
Bosuunè, Bassdrumbeetè, Xang	Zoltan Kiss (sit 2005)
Tuba, Xang	Albèrt Wyder (sit 2015)
Ehmaligi Mitglider
Drumbeetè	Wolfgang Sohm (bis 2004)
Bosuunè	Sebaschtian Fuchsbärger (bis 2004)
Bosuunè	Ed Partyka (2004–2005)
Tuba	Wilfryd Brandschtätter (bis 2015)

Mnozil Brass [nɔtsɪl bras] isch è öschterrychischs Blèchblôserensemble. S Repertoire vom Blôserseptètt umfasst tǜpischi Blõsmusig, Schlager, Jazz un Popmusig bis hy zuè Oper un Operettè. Iri Uffdritt wörrèd durch komödiantischi Iilagè sowiè durch Gesangsschtüggle im Styl von ém Musig-Kabarètt berycherèt.

Gschichte

D Musiger hèn sich als Studentè a dè Musiguniversidät Wyn bim Musikantèschtammtisch im „Mnozil“, èm ehemòligè Wǜrtshuus im 1. Wyner Bezirk, kennè gleert. Anno 1992 hèt sich uss dè losè Musigantèstammtisch-Spillerei sèlli Formation gründèt.

Sit 2001 schafft s Blôserseptett mit èm freischaffendè Regisseur Bernd Jeschek zämmè, mit dèmm d Musiger d Brogramm „Smoke“, „Ragazzi“ un „Seven“ entwicklèt hèn. „S Trojanische Boot“ isch diè èrscht Theaterarbèt vom Ensemble un isch ebbèfalls è Gmeinschaftsbroduktion vo dè Gruppè un èm Bernd Jeschek. D Urufführung vom Wärch isch vo dè RuhrTriennale in Uffdraag gää worrè un hèt im Raamè vo dè RuhrTriennale 2005 als „èrschti Operèttè vom 21. Johrhundert“ statt gfundè. Musigalisch füürt s Trojanische Boot in zwei Akt im Laufschritt durch d Musiggschichte un durch diè voschidnè Musigschtyl.

Anno 2006 hèt d Mnozil Brass d Musig zum öschterrychischè Kinofilm „Freundschaft“ gschaffè, wo uff èm Theaterschtugg „Freundschaft“ vom Rupert Henning un Florian Scheuba basyrt (uuszeichnèt mit èm Öschterrychischè Chlykunschtpriis un èm Neschtroy-Theaterpriis).

Im Raamè vo dè Feschtschpyl 2008 hèt mit „Irmingard - wahrscheinlich eine Oper in 2 Akten“ d Urufffüürung von èrè witterè Bünèarbèt mit èm Regisseur Jeschek statt gfundè.

Am 6. Januar 2013 hèt s Ensemble s Richard-Wagner-Jubiläumsjohr 2013 z Bayreuth mit ènèm Uffdragswärch vo dè Stadt Bayreuth eröffnet, wo "Hojotoho" heißt. D Inszenyrung stammt vom Regisseur Philippe Arlaud, vo dèmm zwǜschè 2002 un 2007 dè Dannhüüser bi dè Wagner-Feschtschpyl z Bayreuth zeigt worrè isch.

Biografischs zuè dè Musiger (ooni eigènè Artikel)

Robert Rother (* 4. Dezembèr 1968) stammt vo Mèlch un isch Drumbeeter. Er hèt si Studium im Konzèrtfach Drumbeetè ab 1984 a dè Musiguniversidät Wyn bim Josef Pomberger un für Bloggflötè am Konservatorium z Iisèschtadt absolvyrt. Bim Feschtival „AufhOHRchen“ im Johr 1996 isch er zuè dè Gruppè Mnozil Brass dezuè gschtossè. Ab 1985 isch er freischaffend im Orcheschter dätig gsi bi-n-è baar Wyner Orcheschter (Wyner Sǜmpfoniker, Wyner Staatsopèrèorcheschter, ORF Simpfonyorcheschter). I dè Zit vo 1990 bis 2003 isch er Kapellmeischter bi dè Musigkapèllè Mank gsi. Vom Nidderöschterrychischè Blõsmusigvoband hèt dè Robert Rother im Johr 1999 diè silberni Dirigentènòdel un im Johr 2002 diè goldeni Dirigèntènòdel chriègt. Sit 1996 isch er Kapellmeischter vom Musigvorein Lǜra Wyner Neudorf.

Dondräger

• "Volksmusig uss Öschterrych No Zyl" (Mnozil Brass & Gansch Schwöschtèrè)
• "Aufhorchen Klangbilder"
• "Wenn der Kaiser grooved" (CD)
• "Dasselbe in grün" (CD)
• "Zimt" (CD)
• "Smoke live" (CD)
• "Ragazzi" (CD)
• "Seven" (DVD)
• "Das Trojanische Boot" (DVD)
• "What Are You Doing With The Rest Of Your Life?" (CD)
• "Das Gelbe vom Ei - La Crème de la Crème" (DVD)
• "Irmingard" (DVD)
• "Almrausch" (CD)
• "Magic Moments" (DVD)
• "Blofeld" (DVD)
• "Yes, Yes, Yes"

Uuszeichnungè

• Kabarettpriis Salzburger Styr 2006
• Nominyrung 2001 für dè Amadeus Austrian Music Award i dè Kategory "Jazz/Blues/Folk-Album des Jahres national"

Weblinggs

• Homepage vo dè Band Mnozil Brass
• Porträä vo music auschtria
• Mnozil Brass bi MusicBrainz (änglisch)

Einzelnõchwys

Dä Artikel basiert uff ere fräie Übersetzig vum Artikel „Mnozil_Brass“ vu de dütsche Wikipedia. E Liste vu de Autore un Versione isch do z finde.