Maus (Computer)

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Drei-Daste-Muus mit eme Scrollrad

D Muus isch eins vo de wichtigste Iigobegrät (Inputgrät) vo modärne Computer.
Die grafische Benutzeroberflächene hai sich vor allem Dank dr Muus chönne entwiggle, wo intuitiv cha bruucht wärde und dank ihrem niidrige Briis wiit verbreitet isch.

D Bewegig vo dr Muus (normalerwiis mit dr Hand) uf em Disch oder uf ere spezielle Underlag, em Muusmatte (Muuspad), wird über e Sensor in dr Muus ufgno, digitalisiert und über e Schnittstell an dr agschlosse Computer überdrait. Über Funktione vom Bedriibssystem wird die zweidimensionali Bewegigsinformation in e gliichartigi Bewegig vom Muuszaiger (Cursor) uf em Bildschirm umgsetzt. Mit Daste oder zuesätzlige Elemänt vo dr Muus cha dr Nutzer verschiidnigi Aktione im Betriibssystem oder Aawändigsprogramm usfüehre. D Iifüehrig vo dr Computermuus cha as en entscheidende Durchbruch in dr Verbesserig vo dr Benutzerfründlikeit vo Computer agluegt wärde. Im Johr 2005 si schätzigswiis scho meh as e Milliarde Müüs wältwiit verchauft worde.

Sit bald zwei Johrzähnt isch d Muus für fast alli Computertätigkeite zsämme mit em Bildschirm (Monitor) und dr Tastatur eini vo de wichtigste Mensch-Maschine-Schnittstelle.

Gschicht[ändere | Quälltäxt bearbeite]

1963/964 hät es Team um de Douglas C. Engelbart und de William English am Augmentation Research Center (ARC) vom Stanford Research Institute (SRI) a verschidnige experimentelle Zeigegrät gschaffet, es isch au d Computermuus debii gsi. Im Dezämber 1968 isch si uf de Herbsttagig vo de American Federation of Information Processing Societies (AFIPS) a de Öffentlichkeit präsentiert worde. Si het aber nur wenig Beachtig gfunde, wills no kei grafischi Benutzeroberflächene geh hät und die Mensche wo mit Computer gschaffet hend, mit de Iigab vo Churzbefehl mit de Tastatur vertraut gsi sind. Für das Prinzip, wo zwei Räder rächtwinklig zunenand stönd, het de Engelbart am 17. November 1970 s Patent US3541541 becho.

Weblink[ändere | Quälltäxt bearbeite]

 Allmänd (Commons): Computermuus) – Sammlig vo witere Multimediadateie
Dä Artikel basiert uff ere fräie Übersetzig vu dere Version vum Artikel „Maus_(Computer)“ vu de dütsche Wikipedia.

E Liste vu de Autore un Versione isch do z finde.