Chrütertee

Us der alemannische Wikipedia, der freie Dialäkt-Enzyklopedy
Grüene Tee mit Roseblüete

De Chrütertee isch en Tee, also heisses Wasser, wo mit Chrüter aromatisiert wird, aber eigentli isch en Chrütertee gar kei Tee sondern en Ufguss. Tee wird immer usem Teebaum gmacht, sigs Grüen- oder Schwarztee, wobii de schwarz fermentierte grüene isch.

Für Chrütertee chan mer früschi oder tröchneti Chrütli neh. Isch de Tee mit Alpechrütli gmacht, ischs en Alpechrütertee. Chrüter sind meist au i de Mehrzahl vorhande, brucht wärde under andere z. B. Pfefferminze, Kamille, Melisse, Lindeblüete, Fänchel, Brennnessle, Augedrost, Zitronegras, Damiana, Salbei und Rotbusch.

Denn gits au no Fruchttee, de isch nämli us Frücht.

In de Pflanzeheilkund wärde Chrütertee vil bruucht, bsundrigs für d Verdauigs- und Atemwäg. Si ghöre wältwit zu de traditionelle Heilmittel.