Klitoris

Us der alemannische Wikipedia, der freie Dialäkt-Enzyklopedy


Als d' Klitoris (Fachterminus Clitoris, latinisiert vo griechisch κλειτορίδα, klitorída, "chleine Buckel") odr em Kitzler bezeichnet me e chleins, vo Schwellkörpergeweb bildetes zylindrischs Organ vo dr Frau un alle andere weibliche Süüger. Entwickligsgeschichtlich entschpricht de Kitzler em Penis vom Ma (bzw. männliche Süüger).

Anatomie[ändere | Quälltäxt bearbeite]

De Kitzler bschtoht us zwei, am Sitzbeiusschnitt (Arcus ischiadicus) befeschtigte Schwellkörperschenkel (Crura clitoridis), di sich zuem Schaft (Corpus clitoridis) vereine. 'S freyi End isch zuer Eichel (Glans clitoridis) erwitert. Zuedem het de Kitzler bis zue ca. 14.000 Nerve.

Üßerlich sichtbar sin numme de Schaft un di hochempfindlichi Eichel, di als Deil vo dr Vulva an de vordere Umschlagfalte vo de chleine Schamlippe liege. Zämme umfasse sie numme en Zähntel vom Gesamtvolumen vo de Klitoris.

Funktion[ändere | Quälltäxt bearbeite]

De Kitzler isch schtark mit Nervenendigige usgschtattet un vo demher bsunders beruehrigsempfindlich un empfänglich für sexuelli Reiz. Durch Stimulation vo dr Klitoris chömme di meischte Fraue zuem Orgasmus.

Vieli Untersuechige (Kinsey etc.) wiese klar druf ane, dass e beachtliche Adeil vo de Fraue nur denn zuem Orgasmus chömme chönne, wenn d' Klitoris (mit) schtimuliert wird.

Im Rahmen vo de Mode, hochempfindlichi erogeni Zone als "Super-Orgasmus-Pünkt" z' definiere, isch de Kitzler vom britische Zoolog un Verhaltensforscher Desmond Morris au als "C-Punkt" bezeichnet worde.

Empfindlichkeit[ändere | Quälltäxt bearbeite]

D' Empfindlichkeit vo de Klitoris für direkti Schtimulierung isch individuell sehr unterschiedlich. Mänggi Fraue sin so empfindlich, dass sie e direkti Schtimulierig erscht noch eme längere Vorschpiel ertrage. Will d' Klitoris (wie obe korrekt beschriebe) mit em umgäbende Gwäb verbunde isch, sin verschiedeni indirekti Schtimulationsforme denkbar.

Fehlbildige vo dr Klitoris (Klitorishypertrophii)[ändere | Quälltäxt bearbeite]

Vulva mit ere vergrösserete Klitoris (Klitorishypertrophii)

Ob sich e Penis mit Eichel odr en Kitzler bildet, wird über d' Usschüttig vo Testosteron gregelt. Wenn sälle Mechanismus gschtört isch, chönne Fraue trotz em Gensatz XX e penisartigi Usschtülpig entwickle, wo bi de normale Entwicklig d' Klitoris sitzt. Sälli Störig isch sehr selte.

Bi nere Klitoris, wo als "z' groß" gältet, (meischt bi nere Klitoris größer als ei Zentimeter bim Neuborene) wärde hüt au chirurgischi Verchleinerige durchgefuehrt. Sälli sin, wie fascht alli chirurgische "Korrekture" bi Intersexualität, umschtritte.

Es cha au spöter im Läbe zun ere Vergrösserig vo dr Klitoris cho. D Hauptursache drfür si hormonelli Störige wie s Polyzystische Ovarialsyndrom.

Wenn e dütlig vergrössereti Klitoris für die Betroffeni sälber e körperligs oder esthetischs Problem isch, so cha mä hüte e chirurgischi Verchliinerig mache, wie bi dr Labioplastik d Schamlippe verchliineret wärde. Für son en Operation het s im Allgemeine kei medizinischi Notwändigkeit.

Au in Fäll vo Intersexualität chann e chirurgischi Korrektur e Lösig für e seelischs Problem si. Intersexuelli Aktiviste verlange aber, ass sonigi Operatione nume denn gmacht wurde, wenn dr intersexuelli Mensch d Operation us eigenem Wille möcht und ihre cha zuestimme.

Weblink[ändere | Quälltäxt bearbeite]