Kichererbse

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Kichererbse
Chickpea.jpg

Same vo dr Kichererbse

Systematik
Euroside I
Ordnig: Schmätterlingsblüetenartigi (Fabales)
Familie: Hülsefrüchtler (Fabaceae)
Underfamilie: Schmätterlingsblüetler (Faboideae)
Gattig: Kichererbse (Cicer)
Art: Kichererbse
Wüsseschaftlige Name
Cicer arietinum
L.

D Kichererbse (Cicer arietinum; alemannischi Näme) isch e Nutzpflanze us Chliasie, wo vor alem z Mexiko und z Indie gässe wird.

Verbreitig[ändere | Quälltäxt bearbeite]

Kichererbse steled kei grossi Asprüch an Bode und chömed mit wenig Wasser us. I gmässigte Klimazone isch's ne aber z'chalt, drum werded's det chum apflanzt.

Indie isch mit Abstand de gröscht Produzänt mit öppe sächs Milione Tone pro Jahr. Nachane chömed Pakistan, Türggei, Australie, Iran, Myanmar, Kanada, Äthiopie, Mexiko und Irak [1].

Kichererbse ghöred z Indie und z Mexiko zu de Grundnahrigsmittel. Z Indie werded's vor alem als Dal gässe, das heisst gschelt, i zwei Hälfte gspalte und dänn kochet bis si echli wiänen Brei werded. Me cha si aber au gröstet ässe. Si sind en wichtige Bestandteil vo Falafel und Humus (e orientalischi Paschte) und chömed au im Couscous vor.

Chemischi Inhaltsstoff[ändere | Quälltäxt bearbeite]

D Zämesetzig vo de Kichererbsesame hanget vo verschidne Faktore ab, zum Bispil Bode, Klima und Düngig.

Mittleri Zämesetzig vom Dal
Cholehydrat 64%
Eiwiiss 25.5%
Nahrigsfasere 8%
Fett 5.3%
Mineralstoff 3.4%

De gröscht Teil vo de Cholehydrat isch Stärchi (>50%). De Rescht sind verschidni Zucker und Fasere. D Gelatinisierigstämperatur vo de Stärchi isch 63-68°C. I de Kichererbse hät's au en rächt höche Ateil a Oligosaccharid, wo Flatulänz verursached. Wänn mer di rohe Erbse vorem Choche iiweicht, werded vil vo dene unerwünschte Zucker im Wasser glöst und dademit cha mer s Problem vo de Flatulänz reduziere [2].


Referänze[ändere | Quälltäxt bearbeite]

  1. faostat.fao.org
  2. Salunkhe, Kadam, Handbook of World Food Legumes, Volume I, CRC Press, ISBN 0-8493-0554-3