Kernkraftwerk Fukushima I

Us der alemannische Wikipedia, der freie Dialäkt-Enzyklopedy
Hops zue: Navigation, Suech

f1

Kernkraftwerk Fukushima I
Chärnchraftwärch Fukushima Daiichi (2007)
Chärnchraftwärch Fukushima Daiichi (2007)
Lag
Kernkraftwerk Fukushima I (Japan)
Kernkraftwerk Fukushima I
Koordinate 37° 25′ 17″ N, 141° 1′ 57″ O37.421388888889141.0325Koordinate: 37° 25′ 17″ N, 141° 1′ 57″ O
Land: Japan Japan
Date
Eigedimer: Tōkyō Denryoku
Bedriiber: Tōkyō Denryoku
Projektaafang: 1966
Kommerzieller Bedrib: 26. März 1971

Stillgleiti Reaktore (Brutto):

 4  (2.812 MW)

Blanung iigstellt (Brutto):

 2  (2.760 MW)
Iigspeisti Energi im Johr 2009: 29.891 GWh
Iigspeisti Energi sit Inbedribnahm: 877.692 GWh
Website: www.tepco.co.jp
Stand: 21. März 2011
D Datequelle vu dr Iidräg findet sich in dr Dokumentation.

S Chärnchraftwärch Fukushima I (jap.福島第一原子力発電所, Fukushima daiichi genshiryoku hatsudensho) isch ais vu dr greschte Chärnchraftwärch z Japan. S lyt z Ōkuma im Landchrais Futaba in dr Präfektur Fukushima, rund 250 km nerdli vu Tokio, diräkt am Meer. Zwelf Kilometer wyt ewäg lyt s Chärnchraftwärch Fukushima II.

Fukushima I isch s erscht Chärnchraftwärch vum Energiversorgigsunternämme Tōkyō Denryoku (Tokyo Electric Power Company – TEPCO). Dur s Tōhoku-Ärdbidem am 11. Merz 2011 un em Tsunami dernoo isch s in däm Chraftwärch zuen ere Uufallserie mit mehrere Explosione chuu un zum Uusfall vu dr Chielsyschtem.

Inhaltsverzeichnis

Tächnik [ändere]

Fukushima I bstoht us segs Siedewasserreaktore. D Bleck 1, 2 un 6 sin vu General Electric böue wore, Block 3 un 5 vu Toshiba un Block 4 vu Hitachi. Dr Böu vu zwee Bleck vum Typ Furtgschrittene Siedewasserreaktor isch blant. S Chielwasser beziet d Aalag us em Meer. Insgsamt het d Aalag e Flechi vu ca. 3,5 km². Syt em 21. Augschte 2010 sin im Block 3 MOX-Brännelemänt mit ere Mischig us Uranoxid un Plutoniumoxid im Yysatz.[1]

D Stilllegig vum Block 1 aafangs 2011 isch langi Zyt blant gsii. Im Februar 2011 het di japanisch Atomufsichtsbeherde NISA d Laufzyt aber um 10 Johr verlengeret.[2]

Unfallserie noch em Ärdbidem (Erdbeben) vum 11. Merz 2011 [ändere]

Am 11. Merz 2011 isch s Chraftwärch noch em schwäre Tōhoku-Ärdbidem automatisch abgschalte wore.[3] Zue däm Zytpunkt sin d Blöck 1, 2 und 3 in Bedrib gsii, d Blöck 4, 5 und 6 sin wäge Wartigsarbeite abegfahre gsii.[4] TEPCO het brichtet, ass d Notstromdiesel-Generatore aagange sin, aber noch aire Stund dur d'Flutwälle vom Tsunami[5], wo in d' Maschinehüüser iidrunge sind, überflutet worde sind und abgstellt hän, so dass fir d Blöck 1, 2 un 3 d Chielig nimmi glängt het go d Noozerfallswermi abfiere.[6] Anderi mobili Generatore sin mit dr Ziit beibrocht wore. D Generatore hän aber bis zum 12.03. demorge MEZ nit chenne agschlosse wäre, wel d Kabel derzue gfählt hän un wel Zuefahrtswäg verspeert gsii sin.[3][7].

Z'erscht im Reaktor 1, schpöter au i de Reaktore 2 und 3, het me gmerkt, dass d'Reaktorkärne langsam afönd schmelze. Zum erschte Mol in dr Gschicht vu Japan het dr Regierigsschef Naoto Kan dr AKW-Notstand mieße uusriefe. Z'erscht sin d Aawohner im Umchrais vu drei Kilometer ufgforderet wore, sich in Sicherhait z bringe. D Aawohner im Umchrais vu zeh Kilometer sin ufgforderet wore, in ihre Hyyser z blyybe.[8] Schpöter, nach dr Wasserstoff-Explosion im Reaktorgebäud 1 rund ein Tag nach em Aerdbebe, isch d Bevelkerig im Umchrais vu zeh, noch einiges schpöter vu zwanzg Kilometer um s Chraftwärch ufgforderet wore, sich wiiter wäg in Sicherhait z bringe.[9][10][11]

Wasserstoff-Explosione hän d Reaktorgebei vu dr Reaktore 1, 3 und 4 bschedigt. In mehrere Reaktorgebei sin Bränd uusbroche. Auch d'Becke, wo die verbruchte Brönnelemänt glageret wärde, sind bi zwene Blöck langsam überhitzt, und s'het ne Wasser vo usse müesse zuegfüert wärde, wie bi de Reaktore au.

D Dosislaischtig (d Strahledosis pro Zytainhait), wu no de Explosione vo de Reaktorgebäud 1, 3 und 4 am Zaun, wo das sehr grosse Gländ igränzt, gmässe woren isch, isch zwische 20 μSv/h un 4 μSv/h (1 µSv/h = 1 Microsievert pro Stund) glääge.[12][13] No dr Explosion vum Block 2 am 15.03. um die 6.00 Uhr, wo wahrschinlich dr Sicherheitsbhälter beschädigt het, isch d Dosislaischtig am Zaun churzzytig uf iber 8.000 μSv/h (8 Millisievert) gstiige, was es 16-fach vum Gränzwärt vu 500 μSv/h bedytet.[14], isch aber noch ere churze Zyt wider abgsunke. Schpöter, um 09:10 Uhr Ortszyt isch d Strahlig am Zaun bi 11.900 μSv/h (11,9 Millisievert)[15] glääge. Wieder schpöter si, dismal ganz i dr Nöchi vo de Reaktorgebäud, zerscht 100.000, schpöter 400.000 μSv/h (100 resp. 400 Millisievert) gmässe worde.[16][17]

Date vu dr Reaktorbleck [ändere]

S Chärnchraftwärch Fukushima I het insgsamt segs Bleck, wu drei dervu zerstert sin.[18] Zwee wyteri sin in Blanig.

Reaktorblock[19] Reaktortyp Nettolaischtig Bruttolaischtig Aafang vum Böu Netzsynchronisation Kommerzielle Bedrib Abschaltig (erwartet)
Fukushima I-1 Siedewasserreaktor 439 MW 460 MW 28.07.1967 17.11.1970 26.03.1971 zerstert[18]

(Merz 2011)[20]
Fukushima I-2 Siedewasserreaktor 760 MW 784 MW 09.06.1969 24.12.1973 18.07.1974 zerstert[21]

(Merz 2011)
Fukushima I-3 Siedewasserreaktor 760 MW 784 MW 28.12.1970 26.10.1974 27.03.1976 zerstert[18]

(Merz 2011)
Fukushima I-4 Siedewasserreaktor 760 MW 784 MW 12.02.1973 24.02.1978 12.10.1978 (Oktober 2018)[22]
Fukushima I-5 Siedewasserreaktor 760 MW 784 MW 22.05.1972 22.09.1977 18.04.1978 (April 2018)[23]
Fukushima I-6 Siedewasserreaktor 1.067 MW 1.100 MW 26.10.1973 04.05.1979-05-04 24.10.1979 (Oktober 2019)[24]
Fukushima I-7[25] Furtgschrittene Siedewasserreaktor 1.325 MW 1.380 MW (2014 blant)
Fukushima I-8[26] Furtgschrittene Siedewasserreaktor 1.325 MW 1.380 MW (2015 blant)

Die japanischi Regierig het beschlosse, uf lengeri Frischt us Sicherheits-Gründ us dr Kärnenergie uszschtiige, so dass die obige Date beträffend Stillleggig vo de noch funktionsfähige Reaktorblöck vo Fukushima I wohl nümm gültig si.[27][28]

Weblink [ändere]

 Allmänd (Commons): Kernkraftwerk Fukushima I – Sammlig vo witere Multimediadateie
Wikinews Wikinews uff Atomalarm in Japan – Explosionen im Kernkraftwerk Fukushima I – Nochrichte

Fueßnote [ändere]

  1. ↑ MOX fuel loaded into Tokyo Electric's old Fukushima reactor. Japan Today, 22. August 2010. Abgrüeft am 13. Merz 2011. (änglisch)
  2. ↑ Mari Yamaguchi, Jeff Donn: "Japan quake causes emergencies at 5 nuke reactors". Forbes Magazine, 11. Merz 2011. Abgrüeft am 13. Merz 2011.
  3. ↑ 3,0 3,1 Markus Becker, Christoph Seidler: Drohende Kernschmelze: Notaktion soll Krisen-AKW retten. Spiegel Online, 2011-03-11. Abgrüeft am 2011-03-12.
  4. ↑ Impact to TEPCO's Facilities due to Miyagiken-Oki Earthquake (as of 3PM). 2011-03-12. Abgrüeft am 2011-03-12. (en)
  5. ↑ Battle to stabilise earthquake reactors. 2011-03-12.: „Three of Fukushima Daiichi's six reactors were in operation when yesterday's quake hit, at which point they shut down automatically and commenced removal of residual heat with the help of emergency diesel generators. These suddenly stopped about an hour later, and this has been put down to tsunami flooding.“. Abgrüeft am 2011-03-12. (en)
  6. ↑ Massive earthquake hits Japan. 2011-03-11. Abgrüeft am 2011-03-12. (en)
  7. ↑ Atomalarm in Japan, taz vum 12.03.2011
  8. ↑ bloomberg.com: Japan Orders Evacuation From Near Nuclear Plant After Quake - Bloomberg, Zugriff am 13. 3. 2011
  9. ↑ Drohende Kernschmelze: Radioaktives Cäsium sickert aus japanischem AKW. Spiegel Online, 2011-03-12. Abgrüeft am 2011-03-12.
  10. ↑ Erdbeben in Japan: Radioaktivität steigt im Umkreis von japanischem Reaktor. Abgrüeft am 2011-03-12.
  11. ↑ Seismic Damage Information(the 12th Release). Japanische Atomaufsichtsbehörde, 2011-03-12. Abgrüeft am 2011-03-12. (en)
  12. ↑ White smoke around the Fukushima Daiichi Nuclear Power Station Unit 3 (2nd release) TEPCO-Pressemitteilung (abgruefen am 14. Merz 2011)
  13. ↑ Referänz-Fähler: Uugiltige <ref>-Tag; s isch kei Täxt fir s Ref mit em Name TEPCO11031405-e aagee wore.
  14. ↑ Weitere Explosion in AKW Fukushima-1 Die Zeit Online (abgruefen am 15. Merz 2011)
  15. ↑ http://abcnews.go.com/Business/wireStory?id=13133418
  16. ↑ http://edition.cnn.com/2011/WORLD/asiapcf/03/14/japan.nuclear.reactors/index.html?hpt=T1
  17. ↑ http://www.jiji.com/jc/c?g=soc_30&k=2011031500479 |title=放射線、福島原発で４００ミリシーベルト＝「人体に影響及ぼす可能性」－官房長官
  18. ↑ 18,0 18,1 18,2 Chief Cabinet Secretary Yukio Edano said officials were acting on the assumption that a meltdown could be underway at that reactor, Fukushima Daiichi's unit 3, and that it was "highly possible" that a meltdown was underway at Fukushima Daiichi's unit 1 reactor, where an explosion destroyed a building a day earlier. The Washington Post, abgruefen am 13. Merz 2011.
  19. ↑ LATEST NEWS RELATED TO PRIS AND THE STATUS OF NUCLEAR POWER PLANTS. IAEA. Abgrüeft am 2011-03-12. (en, Power Reactor Information System der IAEA: Japan: Nuclear Power Reactors – Alphabetic“)
  20. ↑ NUKE DATABASE SYSTEM: FUKUSHIMA DAIICHI-1. Abgrüeft am 2011-03-14. (en)
  21. ↑ Reaktor-Schutzmantel beschädigt. Abgrüeft am 2011-03-14. (de)
  22. ↑ NUKE DATABASE SYSTEM: FUKUSHIMA DAIICHI-4. Abgrüeft am 2011-03-14. (en)
  23. ↑ NUKE DATABASE SYSTEM: FUKUSHIMA DAIICHI-5. Abgrüeft am 2011-03-14. (en)
  24. ↑ NUKE DATABASE SYSTEM: FUKUSHIMA DAIICHI-6. Abgrüeft am 2011-03-14. (en)
  25. ↑ Nuclear Power Reactor Details - FUKUSHIMA-DAIICHI-7. Abgrüeft am 2011-03-12. (en)
  26. ↑ Nuclear Power Reactor Details - FUKUSHIMA-DAIICHI-8. Abgrüeft am 2011-03-12. (en, Kernkraftwerk Fukushima Daiichi 8 im PRIS der IAEA)
  27. ↑ Deutschlandfunk
  28. ↑ Schweizer Radio SFR
Vun "http://als.wikipedia.org/w/index.php?title=Kernkraftwerk_Fukushima_I&oldid=515463"