Kali

Us der alemannische Wikipedia, der freie Dialäkt-Enzyklopedy
d Kali, wo ufem Shiva stoot und de abgrissni Chopf vomene Dämoon i de Hand hebet

D Kali (Sanskrit: काली, Kālī f. „Schwarzi“) isch im Hinduismus e wildi Göttin und stellt die wüetigi und schrecklichi Form vo de Devi dar.

D Kali werd as e halbuuströchneti Frau mit pechschwarze Huut dargstellt, wo e Pantherfeli aahet. Si het rooti Auge und streckt d Zunge wiit use. Eri Waffe sind e Schlinge, e Schwert und e Schädelchüüle. Um de Hals trait si e Chetti us Mentscheschädel. Si schrait förchterlich und chämpft gege Dämoone. Vili Bilder zaiget, wie d Kali uf erem Maa Shiva stoot, e Symbol dodeför, as er si elai bisänftige cha.

D Kali werd voralem z Bengale vereert und d Stadt Kalkutta isch noch de Kali binennt.

Büecher[ändere | Quälltäxt bearbeite]

  • Hans Wilhelm Haussig (Hg.): Götter und Mythen des Indischen Subkontinents. Stuttgart: Klett-Cotta (1984). ISBN 3-12-909850-X