Jacques Rogge

Us der alemannische Wikipedia, der freie Dialäkt-Enzyklopedy
dr Jacques Rogge, 2014

Dr Jacques Rogge (* 2. Mai 1942 z Gent; † 29. Augschte 2021) isch e belgische orthopädische Chirurg und vu 2001 bis 2013 dr acht Presidänt vom Internationale Olympische Kommittee (IOC) gsii.

Biografii[ändere | Quälltäxt bearbeite]

Dr Jacques Rogge isch 1942 z Ghent z Belgie uf d Wält cho. Er her an dr Universidet vo Ghent gschdudiert und isch än orthopedische Chirurg worde. Er het an de Olympische Schbiil vo 1968, 1972, und 1976 im Segle deilgnoh und het für die belgisch Nationalmanschaft Rugby gschbiilt. Er het dr Adelstitel vo Ridder gha und isch vom belgische König, em Albärt II. zum Graf gmacht worde. As Hobby het dr Jacques Rogge hischdorischi und wüsseschaftligi Literatur glässe und moderni Kunschd bewunderet.

Funktionär vo Olympische Kommittee[ändere | Quälltäxt bearbeite]

Vo 1989 bis 1992 isch er Presidänt vom belgische Olympische Kommittee gsi und vo 1989 bis 2001 vom Europäische Olympische Kommittee. Im Johr 1991 isch er Mitgliid vo dr IOC worde und 1998 vo dr IOC-Exekutive. Am 16. Juli 2001 isch er an dr 112. Sitzig vo dr IOC zum Nochfolger vom Juan Antonio Samaranch, wo sit 1980 Presidänt gsi isch. Dr Rogge isch intressiert dr, ass au Entwickligsländer die Olympische Schbiil sötte halte und will das möglig mache dur neui IOC-Richtlinie in Bezug uf wie die Olympische Schbiil abghalte wärde.

Währed de Winterschbiil z Salt Lake City 2002 isch dr Rogge dr erschd IOC-Presidänt gsi, wo im Olympische Dorf gläbt het, für zum nööcher zu de Schbortler z si. Er het Droge und anderi Skandäl ohni Zögere behandlet und het klar gmacht, dass mä bi de Olympische Schbiil kei Korruption wurd dulde. Bi alle drei Schbiil under em Rogge hai d Schbortler de Droge abgschwore. Beobachter hai von erä neue Ziit in dr Olympische Bewegig gredet.

Änderige im olympische Brogramm si au gmacht worde. So si Baseball und Softball as Diszipline an dr IOC-Sitzig im Juli 2005 z Singapur falle glo worde für d Olympiade vo London 2012. Dr Rogge het aber gsait, ass die beide Schbortarte denn chönne es Gsuech schdelle, widr ufgnoh z wärde. In siinere Amtsziit hets 2010 zum erschte Mol Olympischi Summer-Jugedschbiil und 2012 Olympische Winter-Jugedschbiil gee. An de Jugedschbiil chönne Schbortler vo 14i bis 18i teilnäh.

Im Johr 2008 het dr Rogge sich drfür schdark gmacht, ass s Internationale Olympische Kommitte sich nid wurd in d Bolitik iimische und ass es kei Boykott sött gä.

Anne 2013 isch dr Thomas Bach zue siim Noofolger als IOC-Präsident gwählt worde. Er isch 2021 mit 79 Johr gschtorbe.

Weblink[ändere | Quälltäxt bearbeite]

 Commons: Jacques Rogge – Sammlig vo Multimediadateie
Dä Artikel basiert uff ere fräie Übersetzig vum Artikel „Jacques_Rogge“ vu de änglische Wikipedia. E Liste vu de Autore un Versione isch do z finde.