Holland

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Disambig.svg Dä Artikel behandlet d Region Holland, wo en Tail vo Niderland isch. Zu anderne Bedütige lueg bi Holland (Begriffsklärung).
S Wappe vo de Grofschaft Holland.
D Provinze Nord- und Südholland im Staatsgebiet vo Niderland.

Holland isch en Tail im Nordweschte vo de Niederlande.

Im dütsche Sprochruum, aber au i anderne Länder und sogär vo villne Niderländer sälber, werd Holland vilfach als Synonym fö de Staat Niderland brucht. Da goot bis is uusgehend 16. Johrhundert zrugg, wo d Provinz Holland i de Republik vo de Sibe Verainigte Provinze e starchi Stellig gha hät.

Geografii[ändere | Quälltäxt bearbeite]

Im Weschte vo Holland isch d Nordsee, im Norde s Waatemeer und sini Insle, im Nordoschte isch s IJsselmeer, und im Süde und Südoschte sind anderi Provinz vo Niderland. Z Holland sind d Grossstädt Den Haag, Rotterdam und Amsterdam. En Grosstail vo Holland lit bis zu 2 Meter under em Meeresspiegel.

Gschicht[ändere | Quälltäxt bearbeite]

Holland isch vom 10. bis is 16. Johrhundert e Grofschaft gsi, dänn isch es zu ainere vo de Sibe Verainigte Provinze worde und vo 1806 bis 1810 isches e Königriich gsi. Sit 1840 isches i d Provinz Nordholland und Südholland uftailt.