Heißdampf

Heißdampf isch d Bezeichnig für Wassèrdampf, wo uff è höcheri Temperadur wiè disell Sydetemperadur, wo zum Übberdruck korreschpondyrt. Als Arbètsmittel hèt er dõmit è Temperadur vo 300 bis 600 °C.

Heißdampf wörd durch èn Übberhitzer diräkt odder nõch sinerè Entnaam uss èm Broduktionsbrozèss im Dampfkessel witer erwärmt, ohni glychzitig dè Drugg z erhöhè. Je höcher d Temperadur, deschto größer isch au dè Wûrkigsgrad vom Prozèss.

Wörd dè Heißdampf zum Betrièb vo dè Dampfturbinè dirèkt uss èm Wassèr erzüügt, wörd er Frischdampf benamst. Dè Dampf. wo èm Arbètsbrozèss entnõ wörd un in èm Zwischèübberhitzer nõmolls erwärmti Dampf wörd üblicherwys Zwischèdampf benamst.

Heißdampf bi Dampflokomotyvè

Bi Dampflokomotyvè hèn im Johr 1896 erschtmolls dè Wilhelm Schmidt un dè Robert Garbe Heißdampf bi dè Preußischè Staatsysebaanè ygfüürt, idèmm si dè Bau vo zwei Vosuèchslokomotyvè vo dè Preußischè S 3 mit èm Flammrohrübberhitzer nõch Bauart Schmidt in Ufftrag gää hèn. Diè beidè Lokomotyvè sin im Johr 1898 gliferèt worrè. Bi dènè irer Erprobig hèn sich folgendi Vordeil vom Heißdampf zeigt:

1. Bezogè uff sy Gwicht hèt Heißdampf mee Volumè un so muè wènniger Massè als Dampf erzüügt wörrè.
2. D Kondensation von Dampf zrugg zu Wassèr wörd unterbundè un dõmit goot wènniger Energy volorè.

Uffgrund vo dènè Vordeil hèt sich dè Heißdampf bi Dampflokomotyvè weltwit durchsetzè könnè.

Wyteri Vowendig

Er wörd i dè Neuzit ebbèso zum Dämpfè gnutzt.

Dä Artikel basiert uff ere fräie Übersetzig vu dere Version vum Artikel „Heißdampf“ vu de dütsche Wikipedia. E Liste vu de Autore un Versione isch do z finde.