Hardrock

Us der alemannische Wikipedia, der freie Dialäkt-Enzyklopedy
AC/DC

Dr Hard Rock oder Hardrock isch e Stilrichdig in dr Rockmuusik, wo herter gspiilt wird. Umgangssproochlig wird Hard Rock vilmol falsch as Überbegriff für e Räije vo Stilrichdige in dr Rockmuusig brucht, wie Punk, Grunge, oder Industrial Rock, zum die vo Spiilarte wie em Pop-Rock abzgränze, wo radiokompatibler si. In dr Fachsprooch isch dr Begriff änger umrisse und bezäichnet e Muusigstil, wo sini Wurzle in verschiidene Schaner wie em Psychedelic Rock vo de 1960er-Joor, em Bluesrock und em Rock ’n’ Roll het. Dr Hardrock isch au dur d Beatmusik vo de 1960er Joor beiiflusst worde. Vom Ändi vo de 1960er bis zum Aafang vo de 1990er isch dr Hardrock bsundrigs populär gsi.[1]

In de 1970er-Joor isch us em Hard Rock Heavy Metal entstande, aber lang het mä d Bands nit äidütig im äinte oder em andere Schaner chönne zuewiise. Musikalisch gsee isch dr Hard Rock im Vergliich zum Heavy Metal e chli sterker am Mainstream orientiert. Dorum häi vili vo sine Verdräter mee Erfolg in de Charts ghaa.

Hardrockbands[ändere | Quälltäxt bearbeite]

Weblingg[ändere | Quälltäxt bearbeite]

 Commons: Hard Rock – Sammlig vo Multimediadateie

Fuessnoote[ändere | Quälltäxt bearbeite]

  1. Bettina Roccor (1998): Heavy metal. Kunst. Kommerz. Ketzerei, 1. Uflaag, Berlin (IP-Verlag Jeske / Mader), ISBN 3-931624-07-2.
Dä Artikel basiert uff ere fräie Übersetzig vum Artikel „Hard Rock“ vu de dütsche Wikipedia. E Liste vu de Autore un Versione isch Rock&action=history do z finde.