Grünfink

Grüelig
Grüelig (Carduelis chloris)
Systematik
Ordnig: Spatzevögel (Passeriformes) Underordnig: Singvögel (Passeri) Familie: Finke (Fringillidae) Underfamilie: Stiglitzartigi (Carduelinae) Gattig: Ziisli (Carduelis) Art: Grüelig
Wüsseschaftlige Name
Carduelis chloris
Linnaeus, 1758

De Grüelig oder Grüefink (Carduelis chloris; alemanischi Näme) isch e Zugvogel, wo in Mitteleuropa dor s ganz Joor döre vorchunnt. I de Alpe isch er bis uf 2000 müM z finde.

Uussie

De Grüelig isch e geelgrüene Vogel mit graue Flögel und eme graue Schwanz. Wiibli hend weniger chräftigi Farbe. Grüelig wered 14 bis 16 cm gross, hend e Spannwiiti vo 25 bis 27 cm und wöget 25 bis 34 Gramm.

Lebeswiis

De Grüelig lebt am Waldrand und i Waldliechtige, Pärk und vrewildrete Gärte. Er brüetet i lockere Gruppe i Büsch und Bömm und het aber kai Revier, wo won er vertaidiget. D Nest sind us Ästli, Hälm, Mies und Wörzeli gmacht und wered mit Federe und Hoor polsteret. Grüelig fresset Chnospe, Frücht und Beeri mengisch au Insekte. Im Winter chömets au as Fuetterhüsli und chönd denn recht aggressiv geg ander Vögel sii. De Grüelig singt hüüffig bim Flüüge.

Büecher

• Heinz Staffelbach: Handbuch Schweizer Alpen; Bern 2008.ISBN 978-3-258-06895-4
• Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7