Goldammer

Geelamere

Geelamere
Geelamere (Emberiza citrinella) Gsang?/i
Systematik
Ordnig: Spatzevögel (Passeriformes) Underordnig: Singvögel (Passeri) Familie: Amere (Emberizidae) Gattig: Emberiza Art: Geelamere
Wüsseschaftlige Name
Emberiza citrinella
Linnaeus, 1758

D Geelamere oder d Goldamere (Emberiza citrinella; alemanischi Näme) isch e Zugvogel wo i Mitteleuropa brüetet und endi November as Mittelmeer flüügt und afangs Määrz wider zruggchert. Vili Geelamere bliibet aber au s ganz Joor i Mitteleuropa. I de Alpe chömets bis zo 2400 müM vor.

Uussie

D Geelamere isch e geel-bruune Vogel. Bsunders de Chopf isch düttli geel, doch hend d Wiibli weniger chräftigi Faarbe as d Mandli. Geelamere wered 15 bis 17 cm grooss, hend e Spannwiiti vo 23 bis 29 cm und wögt 24 bis 30 Gramm.

Lebeswiis

D Geelamere chunt bsunders am Waldrand, i Waldliechtige oder chliine Wäldli uf de Felder vor. S Nest baut si ufem Bode a versteckte Stele under em Grääs oder i Böschhige und au i chliine Büsch. Si lebt vo Söömli, Insekte und Spinne.

• 

  Wiibli

• 

  Aier

Büecher

• Heinz Staffelbach: Handbuch Schweizer Alpen; Bern 2008.ISBN 978-3-258-06895-4
• Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7

Weblinks

 Allmänd (Commons): Geelamere – Album mit witere Multimediadateie

• Iitrag bi de Schwizerische Vogelwarte
• Emberiza citrinella in dr Rote Lischt vu dr gfehrdete Arten vu dr IUCN 2008. Yygstellt vu: BirdLife International, 2008. Abgruefe am 2. Januar 2009