Fatiha

Us der alemannische Wikipedia, der freie Dialäkt-Enzyklopedy
Hops zue: Navigation, Suech

D Fatiha (arabisch: الفاتحة, al-Fātiḥa: "d Eröffnig") isch die erst Sure im Koran und isch s wichtigste Gibet vo de Muslim und wird am Afang vo jeder rak'ah (Gebätsrunde) gsait und au wenn mä es Grab bsuecht. Wie alli heilige muslimische Teggscht wird si nume uf Arabisch rezitiert. Si het siibe Värs und in dene wird d Allmacht vo Gott und si Barmhärzikeit bezüügt und um d Füehrig vo Gott bittet. Si isch in dr Funktion as Glaubensbekenntnis em jüdische Schma Israel odr em chrischdlige Vaterunser ähnlig.

  1. بِسْمِ ٱللَّهِ ٱلرَّحْمَـٰنِ ٱلرَّحِيمِ
  2. ٱلْحَمْدُ لِلَّهِ رَبِّ ٱلْعَـٰلَمِينَ
  3. ٱلرَّحْمَـٰنِ ٱلرَّحِيمِ
  4. مَـٰلِكِ يَوْمِ ٱلدِّينِ
  5. إِيَّاكَ نَعْبُدُ وَإِيَّاكَ نَسْتَعِينُ
  6. ٱهْدِنَا ٱلصِّرَ ٰط ٱلْمُسْتَقِيمَ
  7. صِرَ ٰطَ ٱلَّذِينَ أَنْعَمْتَ عَلَيْهِمْ غَيْرِ ٱلْمَغْضُوبِ عَلَيْهِمْ وَلاَ ٱلضَّاۤلِّينَ

   bi-smi llāhi r-raḥmāni r-raḥīm
   al-ḥamdu li-llāhi rabbi l-ˤālamīn
   ar-raḥmāni r-raḥīm
   māliki yawmi d-dīn
   'iyyāka naˤbudu wa 'iyyāka nastaˤīn
   'ihdinā ṣ-ṣirāṭa l-mustaqīm
   ṣirāṭ al-laḏīna anˤamta ˤalayhim ġayri l-maġḍūbi ˤalayhim wa-lā ḍ-ḍāllīn

Im Name vom Gott, em Erbarmer, em Barmherzige.
s Loob em Gott, em Herr vode Welte,
em Erbarmer, em Barmherzige,
em Herrscher vom Jüngste Gricht.
a Der tüemer diene und Di bitet mer um Hilf.
Füer üs uf de graadi Weg,
de Weg vo dene, wo Du Gnaad erwise hesch, und nöd die, wo Zorn erregt hend und feelgange sind.

al-Fatiha: d Eröffnig vom Koran