Eutychianus
Dr Eutychianus (vu griech. Eutychianos = „dr Beglickt“, churz Eutychian; † 7. Dezämber 283) isch vu 275 bis 283 Bischof vu Rom gsii. Sy Grabinschrift isch in dr Calixtus-Katakombe z Rom entdeckt. Em Eutychian sy Gedänkdag isch dr 7. Dezämber.
Iber Läben un Wirke vum Eutychian isch chuum ebis bekannt, sälbscht d Date vu syre Amtszyt sin nit sicher. Noch em Liber Pontificalis het er 8 Johr un 11 Monet lang amtiert, vum 4. Jänner 275 bis zum 7. Dezämber 283. Dr Chilchehischtoriker Eusebius vu Caesarea brichtet dergege, dr Eutychian sei nume 10 Monet lang Bischof vu Rom gsii.
No dr Legänd heb er s Säägne vu Driibel un Bohnen uf em Altar erlaubt un är heb 324 Märtyrer mit syne aigne Händ beärdigt. E Dail Hischtoriker zwyflen an däre Iberliferig, wel us dr Amtszyt vum Eutychian kaini greßere Verfolgige bekannt sin un s Säägne vu Fäldfricht allgmain ere spetere Period zuegschribe wird.
Literatur[ändere | Quälltäxt bearbeite]
- Friedrich Wilhelm Bautz: Eutychianus. In: Biographisch-Bibliographisches Kirchenlexikon (BBKL). Band 1, Hamm 1975, Sp. 1574.
- Giovanni Maria Vian: Eutichiano. In: Enciclopedia dei Papi. Rom 2000.
- Ytrag in d Catholic Encyclopedia, Robert Appleton Company, New York 1913 (änglisch)
Weblink[ändere | Quälltäxt bearbeite]
Commons: Eutychianus – Sammlig vo Multimediadateie| Vorgänger Felix I. |
Bischof vu Rom Dr Titel Papscht isch anne 384 zum erschte Mol brucht wore. 275–283 |
Nochfolger Cajus |
|
Dä Artikel basiert uff ere fräie Übersetzig vu dere Version vum Artikel „Eutychianus“ vu de dütsche Wikipedia. E Liste vu de Autore un Versione isch do z finde. |