Elster
| Ägerst | ||||||||||
|---|---|---|---|---|---|---|---|---|---|---|
Ägerst (Pica pica) |
||||||||||
| Systematik | ||||||||||
|
||||||||||
| Wüsseschaftlige Name | ||||||||||
| Pica pica | ||||||||||
| (Linnaeus, 1758) |
De Ägerst, in nördliche alemannische Mundarte au die Atzel gnannt, (Pica pica; alemanischi Näme) isch en aapassigsfääige Raubvogel wo i Mitteleuropa dor s ganze Joor dore vorchunnt. I de Alpe lebt er bis zonere Hööchi vo 2200 müM. Uf de Alpesüüdsiite isch er seltniger.
Inhaltsverzeichnis |
Uussie [ändere]
De Ägerst isch e schwarz-wiisse Vogel mit eme chräftige schwarze Schnabel und eme lange Schwanz. De Chopf, de Rugge und d Brust sind schwarz, au d Flögel sind schwarz, hend aber e wiisse Rand. D Schultere und de Buuch sind wiiss. Wiibli und Mandli gsiend gliich uus. De Ägerst werd 40 bis 51 cm gross, mitere Spannwiiti vo 52 bis 60 cm und eme Gwicht vo 200 bis 250 Gramm.
Lebeswiis [ändere]
De Ägerst lebt i Wäldli, Pärk und Gärte i de Nööchi vo Sidlige und baut i de Bommwipfel us Chrees groossi Nester. Füelet Ägerste sich gstört, wechslet si s Nest. Si sind Alesfresser und raubet d Nester vo Singvögel uus.
Bsundrigs [ändere]
Ägerste sind noigiirig und wered vo glitzrige Objekt aazoge, wo si denn undersuechet. Wered si debii gstört, flüügets demit devoo. Ase isch s Bild vom "diebische Ägerst" entstande.
Jungi Ägerste gwonet sich a Mensche, wo si uufzüchet und wered den zoom und si chönd di menschlichi Sprooch imitiere. De antiki Lexikograph Plinius het gschribe, as Ägerste sterbid, wenn s ene nöd glingi, schweri Wörter z noochenaame.
Büecher [ändere]
- Heinz Staffelbach: Handbuch Schweizer Alpen; Bern 2008.ISBN 978-3-258-06895-4
- Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7
