Drachenzähmen leicht gemacht

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Filmdate
Orginalplakat
Orginalplakat
Düütsche Titel: Drachenzähmen leicht gemacht
Orginaltitel: How to Train Your Dragon
Produktionsland: USA
Erschinigsjoor: 2010
Längi (PAL-DVD): 98 Minute
Orginalsprooch: Änglisch
Altersfreigaab: FSK 6
Stab
Regie: Dean DeBlois
Chris Sanders
Dräibuech: Cressida Cowell
Dean DeBlois
Adam F. Goldberg
Chris Sanders
Peter Tolan
Produktion: Bonnie Arnold
Musig: John Powell
Schnitt: Maryann Brandon

Drachenzähmen leicht gemacht isch en computeranimierte Film in 3D vo DreamWorks, wo am 26. März 2010 erschiene isch.

Handlig[ändere | Quälltäxt bearbeite]

De Hicks wohnt im Wikingerdorf Berk. Er isch de Sohn vom Häuptling Haudrauf. Das Dorf wird regelmässig vo Drache überfalle, wo d'Schaf als Beute verschlepped. Alli Iwohner sind drum versesse druf, Drache z'tödä. Au de Hicks wär gern en erfolgriche Drachetöder, aber er isch eifach nöd so starch wie alli andere.

Wo s'Dorf wiederemal agriffe wird, schlicht sich de Hicks devo und versuecht mit eme Katapult, won er selber konstruiert het, eine vo de sagenumwobene Nachtschatte-Drache z treffe. Sonen Drache isch extrem gfährlich, er chann Blitz usspeiä. Es het bis jetzt na niemer sonen Drache gseh. Em Hicks glingts tatsächlich, de Drache zträffä; er gseht en über em Wald abstürzä. Aber es glaubt em niemer.

Am nächste Tag gaht er in Wald und sucht de Drache. Er findet ihn und wot en tödä. Aber er chan aifach nöd. So befreit er de Drache vo sine Fesslä.

Woner später emal im Wald underwägs isch, begägnet er em Drache wieder. De Drache cha nüme richtig flügä, wil im es Stuck vo siner Schwanzflosse fählt. De Hicks zähmt de Drache und tauft en Ohnezahn. Er bringt ihm Fisch und baschtlet en Flügel us Leder, woner am Drache amacht. Mit dere Prothese cha de Drache wieder flügä und de Hicks ritet uf ihm und stüret d'Prothese.

I de Zwüscheziit het em Hicks sin Vater beschlosse, dass sin Sohn is Drachetöter-Training ga söll. De Hicks hät scho vil über Drache glehrt und cha guet mitene umgah ohni si tödä z'müese. So wird er de agsehenschti Wikinger im Dorf. D'Astrid, es Vikingermeitli, wird ifesüchtig uf de Hicks. Sie spioniert ihm nah und gseht schliesslich de Drache. De Hicks versuecht sie devo z'überzüge, dass de Drache harmlos isch. Zäme ritet si ufem und de Ohnezahn bringt si is Drachenescht. Det wohnt en riisige uralte Drache, wo die andere Drache füetere münd; susch werded sie selber vo ihm gfrässä. Das erchlärt die regelmässige Raubzüg. D'Astrid und de Hicks beschlüssäd, niemerem ihres Gheimnis z verrate.

Am nächschte Tag kämpft de Hicks gäge en Drache. Er wott allne zeigä, dass Drache harmlos sind. Es glingt ihm au fascht, aber sin Vater schreit lut, zum de Kampf beände und de ufgschüchti Drache grift de Hicks a. De Ohnezahn ghört em Hicks sini Schrei und chunt em z'Hilf. D'Dorfbewohner nämed de Ohnezahn gfange. De Hicks versuecht sim Vater sini Fründschaft mit em Drache z'erchläre, aber er lost nöd zue. En Drache cha schliesslich niemals en Fründ si. Vesehentlich verzellt de Hicks vom Drachenest. De Haudrauf beschlüsst sich vom Ohnezahn det anefüere zla, um ali Drache endgültig z vernichte.

De Hicks isch deprimiert. D'Astrid ermunteret en, sin Fründ z befreie. Si rited uf de Drache vom Training und chömed grad nah rechtzitig zum d'Chrieger bi ihrem Kampf gägä de riisigi Drache z understütze. Em Hicks sin Vater hilft ihm, de Ohnezahn z befreie und zäme glingts ihne, de Riesedrache z besiege. De Hicks chunnt aber fascht um i de Explosion. De Ohnezahn chan ihn rette; wo de Hicks wieder verwachet, stellt er aber fescht, dass er sin lingge Fuess verlore het. Er het jetzt e Prothese. De Ohnezahn isch bi ihm. Drache sind jetzt d'Huustier vo de Wikinger und de ewige Kampf isch verbii.

Weblink[ändere | Quälltäxt bearbeite]