Doubs
| Doubs | |
|---|---|
| Date | |
| Laag | Frankriich, Schwiiz |
| Längi | 453 |
| Quelle | bi Mouthe |
| Quellhechi | 937 |
| Mündig | bi Verdun-sur-le-Doubs in d Saône |
| Mündigshechi | 170 |
| Yzugsgebiet | 7710 |
| Grossstedt | Besançon |
| Mittelstedt | Montbéliard, Dole |
| Gleistedt | Pontarlier |
| Rächti Näbeflüss | Allan, Sablonne |
| Linggi Näbeflüss | Drugeon, Dessoubre, Clauge, Loue, Orain, Guyotte |
| Schiffbar | abschnittswiis |
De Doubs (IPA: [du]) isch e Fluss im Jura. Er isch 453 Kilometer lang, wobii er för 43,8 km Grenzfluss zwöschet Frankriich und de Schwiiz isch und 30,3 km uf Schwiizerbode, und 379 km uf franzöischem Bode flüsst. De Name Doubs (lat. Dubis) chunnt usem Gallische und bidüütet "Schwarze".
[ändere] Flusslauf
De Doubs entspringt bim französische Dorf Mouthe (Dép. Doubs) und flüüsst richtig Nordoste ab. Vo Les Brenets bis Clairbief bildet er d Grenze zwöschet de Schwiiz und Frankriich. Er flüüsst den dor de Clos du Doubs im Kantoo Jura und verloot d Schwiiz bi La Motte. Di französischi Stadt Besançon isch vo de Gallier as e Oppidum inere Schlauffe vom Doubs baut wore. Bi Verdun-sur-le-Doubs flüüsst er i d Saône ine, wo e Nebefluss vom Rotte isch.
[ändere] Natur
Im schwiizer Tail vom Doubs lebet no e chliini Population vom Apron, wo au Roi du Doubs ("Doubskönig") gnennt werd und wo zo de starch gföördete Fischarte vo Europa ghört. Witteri Fischarte im Doubs sind d Seuffe, d Doubsforelle, de Hecht oder de Egli.
