Domäne (Internet)

E Domain isch e zsämmehängende Teilberich vom hierarchische DNS-Namensruum. E Domain goht vo ihrem Domainname us un umfasst immer di gsamti untergordneti Baumstruktur (im Unterschid zuer Zone). De Name vo nere Domain isch glichzitig au ihre FQDN.

Bischpil: Ge sig di Domain wikipedia.de. Es exischtiere derzue e Hoscht www.wikipedia.de un di Subdomains intern.wikipedia.de un extern.wikipedia.de un no e Hoscht mail.extern.wikipedia.de. Alli sälli Knote ghöre zuer Domain wikipedia.de.

Die Subdomain extern.wikipedia.de isch e eigeständigi Domain, wo nur de Knote mail.extern.wikipedia.de dezue ghört. Domains unterhalb vo Domains wärde au als Subdomains bezeichnet.

Domains vo dr höchschte Ebeni (z.B. .de) werde au Top-Level-Domains gnennt. Dämentschprächend heiße di Domains zweiter un dritter Ebeni Second- beziehigswis Third-Level-Domains.

Virtuelli Domains verwise nit uf e Hoscht, sondern werde uf e anderi Internet- bzw. Mailadräss umgleitet.

Vo dr IANA sin Domains regischtriert worde, dere Name ma in eigene Dokumentatione verwende darf. E Bischpil drfür isch di Domain example.com. Uf RFC 2606 cha di Begründig für di Reservierig vo sälle Domains igseh wärde. Somit isch example.com für 's Internet e Schtandardusdruck, wie es d' Schtandardfunktion Foo im Beriech vo dr Programmierig isch.

Mitti 2005 sin no DENIC 9 Millionen .de-Domains regischtriert gsi. Noch sällere Regischtrierigsschtell chömme momentan jeds Johr ungfähr e Million .de-Domäne neu drzue.

Lueg au

• Vollschtändigi Lischte vo dr Top-Level-Domains
• Subdomain
• Umlutdomains
• Domaingrabbing
• Reverse Domain Hijacking
• Domainlevel
• Konnektivitätskoordination
• Reverse Domäne
• Zone (DNS)

Weblink

• http://www.denic.de/ - Vergabschtell für dütschi Domains [.de]
• http://www.nic.at/ - Vergabschtell für öschtriechischi Domains [.at, .co.at, .or.at]
• http://www.nic.ch/ - Vergabschtell für schwyzer Domains [.ch, .li]
• http://www.example.com/ - Schtandarddomain vo dr IANA