Diskussion:Futhark

"kina na do gucke" -- nur so, us Interesse, was isch denn das fürne Dialekt? Ich das das slang oder Babyschprach oder so, oder en art Infinitivkonschtruktion? Usserdem, isches normal, das dArtikel d'Leser duuzed? 81.63.63.37 09:09, 19. Okt 2005 (UTC)

Des isch nit im Artikel selbr sundern Vorlage:Runen. Mieschts môl au uf Wiä schriib ich guets Alemannisch? luege un villi nieflechte. --Test-tools 09:32, 19. Okt 2005 (UTC)

IPA

D Verlinkig vo de "Luutwert" uf IPA isch nöd z empfele. In erster Lini handlets sich um e Transkritpion wo s Phonem - inkl. sinene ponetische Variante - widergitt, nöd aber de gnaui Luut. So hets im Urgermanische kai chorzes /o/ ggee, nume e langs /ô/, aber öb da gschlosse oder offe artikuliert woren isch waiss mer nöd. Degege git e chorzes /e/ und langs /ê₁/ und vermuetli auch langs /ê₂/ wider. S d isch je noch Stellig im Wort as sth. Plosiv [d] oder sth. Frikativ [∂] uusgsproche wore, vermuetli aber nöd im Westgermanische, oder emel emene Tail devo. Di maiste germanische Tielekt hend zudem no Usluutverhertig gchennt. S h dörft scho früe zwai phonetische Variante entwicklet gha ha, nämli [h] und [x]. Vo de ï-Ruune chamer nödemol sege, wele Luut dodemit gmaint isch. Zudem hend d Ruune ere Luutwert im Lauf vo de Zitt gänderet. Scho früe isch im Norde s /z/ zumene /R/ wore, wa emene Zäpfli-R entsproche het, im Gegesatz zum alt ererbte Zunge-R, wo dör d r-Rune widergee woren isch. --al-Qamar 11:30, 9. Mär. 2010 (MEZ)

Doo hesch natürli rächt. Verlinkt hanni vorallem wege denne Luut, wo en Verwys uff de Luut kei schlächti Idee isch, nämli vorallem de th-Luut un s stimmhaft-s. Die Verwyws däti dinne lo, wyl es die im Alemannische nit git un deswege e gnaui Erklärig scho öbis bringt. --Chlämens 23:51, 11. Mär. 2010 (MEZ)