Country-Musik

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Gschicht vo dr Country-Muusig
1922 Ersti Schallblattenufnaam
Nov. 1925 D Grand Ole Opry Show wird zum erste Mol gsändet
Aug. 1927 D Carter Family und dr Jimmie Rodgers, die erste groosse Stars, wärde entdeckt
1929 Die erste Singing Cowboys im Film dräten uf
um 1934 Dr Bob Wills nimmt dr erst Western Swing Ditel uf
um 1935 In Texas entstuut dr Honky Tonk
1940 Dr Bill Monroe entwicklet dr Bluegrass
Juni 1949 Dr Hank Williams singt zum erste Mol in dr Grand Ole Opry
1953 In Memphis, Tennessee, entstoot dr Rockabilly
um 1955 Dr Nashville Sound isch d Antwort uf e Rock ’n’ Roll
um 1968 Vo Kalifornie us entwicklet sich dr Country-Rock
ab 1970 D Outlaw-Beweegig dominiert
ab 1980 Urban Cowboy – D Country-Muusig chunnt dr Popmuusig nööcher
ab 1985 D Neo-Dradizionaliste läite e Geegebewegig ii
ab 1990 Mit New Country chunnt mä uf hoochi Verchaufszaale und dr Alternative Country verbindet s Lääbensgfüül von ere Generazion, wo vom Punk brägt isch, mit Country-Dradizioone

D Country-Musik [ˈkʌntri] isch e Muusigrichdig, wo us de USA stammt. Si isch am Aafang vom 20. Joorhundert us dradizionelle Elimänt vo dr Volksmuusig vo de öiropäische Zuewanderervölker entstande – bsundrigs us Irland und Ängland. D Old-Time Music, wo ursprünglig in de südlige Appalatsche dehäi gsi isch, het sich dur urbani Iiflüss und Übernaam vo Elimänt vo andere Muusig-Schaner – wie öbbe em Blues – zur hütige Country-Muusig entwigglet.

Dr Begriff Country & Western bezieigswiis C&W, wo vilmol as Sünonüüm brucht wirde, isch falsch, wil er suggeriert, ass es sich um en äihäitligs Schaner wurd handle. Country & Western goot zrugg uf e Tschart-Bezäichnig, wo s amerikanische Billboard-Magazine in de 1940er-Joor für Ditel us de Schaner Country-Muusig und Western-Muusig brucht het.

D Gschicht vo dr Country-Muusig isch dur drei Beweegige brägt, wo sich überschniide:

  • D Dradizionaliste wo zu de Ursprüng vo de teggstlige und musikalische Theme zrugg wottn.
  • D Ernöierer experimentiere mit nöije Stilvariante, Usdrucksforme und Instrumänt.
  • Die Kommerzorientierte sueche d Nööchi zur Popmuusig, zum e mögligst groosses Publikum aazspräche.
D Dolly Parton, 2005

E tüpischs Merkmol vo dr Countrymuusig si diräkti Teggst, wo sich vilmol uf die amerikanische Lääbensverheltniss bezien, persönligi Erfaarige beschriibe, aktuelli Eräigniss kommentiere und nit sälte au humorvoll sin.

Bim dradizionelle Country wärde hauptsächlig Saiteninstrumänt wie Gitarre, Banjo, Mandoline, Kontrabass oder Fiddle (en äifachi Giige) verwändet, aber au Akkordeon, Klavier oder Schnuuregiige. Im zitgenössische Country chömme Schlaagzüüg und Elektrogitarre und -Bass drzue, was vo dr Instrumentierig vo dr Rockmuusig abgluegt isch.

Litratuur[ändere | Quälltäxt bearbeite]

  • Vladimir Bogdanov u. a. (Hrsg.): All Music Guide to Country. The definite guide to country music., Backbeat Books, San Francisco 2003, ISBN 0-87930-760-9
  • Byworth, Tony (Hg.): The Billboard Illustrated Encyclopedia Of Country Music. Vorwort vom Jack Clement. New York, N.Y.: Billboard Books, 2007 (320 Site). ISBN 0-8230-7781-0
  • Fred Dellar / Roy Thompson / Douglas B. Green: The Illustrated Encyclopedia Of Country Music. Vorwort von Roy Acuff. 2. Uflaag, Salamander Books, London 1978 (256 Seiten) ISBN 0-86101-012-4
  • Pamela Fox / Barbara Ching (Hg.): Old Roots, New Routes. The Cultural Politics Of Alternative Country Music. University Of Michigan Press, An Arbor / Michigan 2009 (281 Site) ISBN 978-0-472-07053-4
  • Pamela Fox: Natural Acts. Gender, Race And Rusticity In Country Music. University Of Michigan Press, Ann Arbor / Michigan 2009 (269 Site), ISBN 0-472-07068-1
  • Walter Fuchs: Das neue große Buch der Country Music. Heel, Königswinter 2005, ISBN 3-89880-364-3
  • Bill C. Malone: Country Music, USA. University of Texas Press, Austin 2002, ISBN 0-292-75262-8 (s Standard-Wärk zur Gschicht vo dr Country-Muusig – uf Änglisch)
Dä Artikel basiert uff ere fräie Übersetzig vum Artikel „Country-Musik“ vu de dütsche Wikipedia.

E Liste vu de Autore un Versione isch do z finde.