Citroën 2CV

Us der alemannische Wikipedia, der freie Dialäkt-Enzyklopedy
Citroën
2CV
Hersteller: Citroën
Produktionsziitruum: 1949–1990
Karosseriiversione: Personewage, Liiferwage
Motor: Zweizylinder-Boxermotor
Lengi:
Breiti:
Höchi:
Radstand:
Leergwicht:
Vorgängermodell: keins
Nochfolgmodell: keins
Dialäkt: Seislerisch

De Döschwo (Citroën 2CV, ma siit o deuche, Änta) isch as usserordentlich popülärsch Outo gsi. Trotzdäm wüsse vüu Jungi bereits nümme was a Döschwo überhaupt isch. Uf de anderi Sita va de Skala git's aber o no unwarschinlich füu Liebhaber wa a Szene büude u de Döschwo o zwenzg Jahr nach em verordnete Tod am Läbe erhaute. Zu där igschworeni Gsäuschaft köre o diversi Autogarage wa uf dä Tüp, nämlich uf d'Änta iigschwore si.

2CV6, Club, 1982
2005 nach aune Regle va de Handwärkskunscht komplett reschtauriert va Yeti u Heinz

De Döschwo het damals sölle 'ds ifache Volch' mobilisiere[ändere | Quälltäxt bearbeite]

As spartanisches Outo mit era unglublichi Züuvorgaab: 'Entwärfet as Outo mit Platz für zwü Bure i Stüfle ume na Zentner Häppere (Kartoffeln) oder ima Fässli Wii. As muess mindeschtens 60 km/h schnell sii und debi nid meh aus drü Liter Benzin uf 100 km verbruche. Usserdem soll es o schlächtischti Fäudwääge chene bewältige u so ifach z'bediene sii, dass sogar a ungüebti Fahreri problemlos mit ihm zcherchunnt. As muess dezue usgsproche guet gfäderet si, a so, dass a Chorb vou Eier a Fahrt uber houprigi Fäudwäge unbeschadet überstiit. U schliesslich muess das nüen Outo wäsentlich billiger sii aus üsi 'Traction', uf ds Uusgseh chunts aber überhaupt nid a.' so het de Pierre Jules Boulanger zu sim Chefkonstruktör gsiit.

Z'gsteckte Züu hi si erreicht[ändere | Quälltäxt bearbeite]

Aber dass das Outeli a so erfougriich würti si, dass es fasch unveränderet vo 1948 bis 1990 buut chunt, und alli Versueche va Zitroen a Nachfouger z'installiere überläbt, das hetti sich de Boulanger o nie chenne erdeiche. Immerhin si im Luuf va de Zyt 3.872.583 'Limusine' u 1.246.306 'Chaschteänte' verchufft cho. U dezue no füu sogenannti Derivat wie d'Dyane, de Ami 6 u 8, de Mehari, für nume di wichtigschte ufzzölle.

Büuder[ändere | Quälltäxt bearbeite]

Literatur[ändere | Quälltäxt bearbeite]

  • Räto Graf: Citroën 2CV – Der Döschwo in der Schweiz, edition garage 2CV, Lüdenscheid 2011, ISBN 978-3-9809082-4-5