Benutzer Diskussion:Trigaranus

Hoi Trigaranus, en schöne Name woorli hesch und e schöös Essay hesch ono gschribe. Aber entschuldige muesch Di aigetli nöd, wege dinere Orthografii. S anzig, wani nöd verstoo, isch, wiso Du Apostroffe schriibsch. Oder ghöörsch Du a dene Stele en Lut, wos kann Buechstabe dodeför git? Noch Dieth bruchts de nöd und i kanere Sproch werd en Apostroff gsetzt, wo historisch en Lut usgfalen isch. Dass Du s "Bindigs-n" vor s nöchsti Wort stellsch, macht de Text eener unleserlich. "i losen immer Radio" isch leserlicher as "i lose n'immer Rado" oder gär "i lose nimmer Radio" (wa denn jo s Gegetail wäär), bsunders, wenn denn no en Zileumbruch chunnt. I waiss, ass vili Lüt Apostroffe bruchet, i persönlich finds e Katastroofe, bi jedem aibuechstabige Wort (a d e i s t z) um s veregge müese no e Strichli aneztue, fast ase, as seb nöd gee törft. Natürli bisch Du frai, z entschaide, öb Du de Apostroff bruuche willsch oder nöd. --al-Qamar 10:43, 7. Sep. 2007 (CEST) Wenn chunnt de Artikel öber de Trigaranos? :-) Bi gspane druff; e netts Tierli, de Stier mit de drai Vögeli. :-)