Basilika Saint-Denis

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Die Gotischi Kathedrale vo Saint-Denis

D Basilika Saint-Denis isch en ehemoligi Abteichille in dr Stadt Saint-Denis nördlig vo Paris. Si het sit 1966 dr Status von ere Kathedrale und isch sit em Ändi vom 10. Johrhundert, gnauer sit em Hugo Capet d Grabstett vo fast alle französische König und au vo vile Königinne. D Chille het grossi kunsthistorischi Bedütig, wil in ihrem Chor, wo 1136 agfange worden isch, die erste Spitzrippegwölb baut worde si, so dass St. Denis as Wiege vo dr Gotik gültet.

Si isch em heilige Dionysius, em Schutzpatron und erste Bischof vo Paris gweiht. Noch dr Legände siig dä in dr Ziit vo de Christeverfolgige um s Johr 249 uf em Montmartre gchöpft worde, haig si Chopf ufglüpft und siig wiiter gloffe, bis er zsämmebroche siig und an däm Blatz haig men en begrabe und spöter d Chille baut. 48.9354555555562.3596722222222Koordinaten: 48° 56′ 8″ N, 2° 21′ 35″ O