Ban Ki-moon
Us der alemannische Wikipedia, der freie Dialäkt-Enzyklopedy
Ban Ki-moon (koreanisch: 반기문; * 13. Juni 1944 ds Eumseong, Südkorea) isch a südkoreanische Diplomat und Politikr. Er isch vu 2004 bis 2006 Usseminister vu Südkorea xi und sit am 1. Januar 2007 dr achti Generalsekretär vu de Vereinti Natione.
[ändere] Biografy
Wie dr Ban selber xeit hett, hett er sini Entscheidig, en Diplomat werde z’welle, scho 1962 gfalle, won’er uf dr Chungju High School bi’nem Englisch Wettbewerb e Reis nach Washington D. C. und nem Treffe mit’m damalige Präsident vu de Vereinigte Staate John F. Kennedy gwunna hett.[1] Studiert hett dr Ban a dr Soul National University und hett 1970 dr Bachelor-Grad in International Relations (internationali Zämmearbeit) übercho. Sini diplomatischi Karriera hett er während dr Militärdiktatur vu Park Chung-hee ahgfange, und hett si während’m Präsident vu Korea Chun Doo-hwan (1980 bis 1988) witergfüehrt, wo wie dr Park dur en Militärputsch a d’Macht choo isch.
Ab 1972 ah hett dr Ban im Uusland dienstet, zersch ds Neu-Delhi. Zersch isch er nacher bi de United Nations Division tätig xi, drno hett er ds New York als erschti Sekretär bi de ständige Beobachtigsmission vu Südkorea bi de Vereinte Natione gschaffet. Im November 1980 het er dr Poscht vum Direktor vu de United Nations Division übercho. Sin Master-Degree hett er im Johr 1985 in Public Administration vu dr John F. Kennedy School of Government (Harvard University) übercho. 1987 und 1992 hett er dr Poschte in dr Botschaft in Washington D. C. übernoh; drzwüschet ischer Generaldirektor vu de südkoreanische Büros für Amerikaahglegeheite xi.
1995 ischer zwei mol als stellvertretendi Minischter für Policy Planning and International Organizations vorgschlage worda. 1996 ischer Sekretär vum südkoreanische Präsidenta für Üsseri- und Staatssicherheitsahglegeheite, 2000 drzue no Vizeusseminischter worda. Ab em Februar 2003 hett dr Ban als ussepolitischr Berater vum Präsidenta Roh Moo-hyun gschaffet und hett dr Yoon Young-kwan als Handels- und Usseminischter abglöst.
Ban isch dr südkoreanischen Nordpolitik beteiligt xi, woner 1992 als Vizevorsitzendr vu de South-North Joint Nuclear Control Commission dienschtet hett. Won’er 1992 isch er Botschafter in Öschtriich xi isch, hett me ihn zum Vorsitzendi vu de Organisation vum Vertrag über ds Verbot vu Nuklearversüech gwählt
Im Januar 2004 isch Ban Usseminischter vu Südkorea xi. Im September 2005 hett er e wichtigi Roll bi de sogenannte Sechs-Parteie-Gspröch weg de Nuklearkriis in Nordkorea gspillt. Im Januar 2006 hett ihn sini Regierig als Kandidat für d Wahl zum neue Generalsekretär vu de Vereinti Natione nominiert; druff hi isch er am 13. Oktober 2006 vu de Vollversammlig vu de Vereinti Natione gwählt worda. Am 1. November 2006 ischer vum südkoreanische Minischteramt zruggtretta und hett mit dr Vereidig am 14. Dezember 2006 dr Kofi Anan als neue UN-Generalsekretär ersetzt.
[ändere] Weblinks
[ändere] Quelle, Fuessnotene
- ↑ Chosun Ilbo: Ban Ki-moon: a Life in Diplomacy, 10. Oktober 2006
Dr Artikel basiert uf ´ra freie Ibersetzung vum Artikel „Ban Ki-moon“ us dr dytsche Wikipedia.
E Lischte mit de dörtige Autore kasch dörte aluege
| Persoonedaate | |
|---|---|
| NAME: | Ban, Ki-moon |
| ALTERNATIVNAMEN: | 반기문 (Hangeul); 潘基文 (Hanja) |
| KURZBESCHREIBUNG: | südkoreanischer Außen- und Handelsminister, Generalsekretär der Vereinten Nationen |
| GEBURTSDATUM: | 13. Juni 1944 |
| GEBURTSORT: | Eumseong |
| STERBEDATUM: | |
| STERBEORT: | |
