Bab

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Dr Bab, mit em bürgerlige Name Said Alí Mohammed (Persisch: سيد علی ‌محمد) , isch dr Schdifter vom Babismus, und noch dr Dradition vo de Ahänger vom Bahaiglaube ä Vorläufer vo ihrer Religion.

Biografii[ändere | Quälltäxt bearbeite]

S Bahai Zentrum z Haifa, Israel.

Dr Said Ali Mohammed isch am 20. Oktober 1819 z Schiraz in Persie, uf d Wält cho. Si Vadder, wo Händler gsi isch, isch früeh gschdorbe und er isch vom enä Unggle ufzoge worde. Er isch sälber Händler worde und het z Buschehr in Persie gläbt. Won er 25 gsi isch, het er gsait, ass är dr Mahdi sig, wo bi de Schiite dr Erlöser isch, wo am Ändi vo dr Wält chunnt. Vo denn a her sich Bab gnennt, was uf Arabisch Door bedütet. In Brief und Büecher het het si Lehr dargschdellt, won ä neui Scharia, s religiöse Gsetz, sött si. Er het duusigi vo Ahänger gfunde, isch aber vo de persische Schiite bekämpft worde. Dr persisch Schdaat het siini Ahänger zu Duusige umbrocht. Dr Bab sälber isch am 9. Juli 1850 z Tabris dur Erschiesse hiigrichtet worde.

Ein vo siine Jünger, dr Baha-ulla, het gsait, ass är dr letscht Brophet siig wo vo Gott hätt sötte gschickt wärde. Er het d Religion vo de Bahai gschdiftet, wo ihr Zentrum z Haifa in Israel het.