Ardhamagadhi

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Ardhamagadhi (Sanskrit: Ardhamāgadhī »Halbmagadhi«) oder Jain-Prakrit isch e mittelindischi Sprooch, wo im Jinismus e wichtigi Role spillt.

Verwandtschaft und Öberliferig[ändere | Quälltäxt bearbeite]

S Ardhamagadhi isch e Variante vom Prakrit und nööch mitem Pali, de Sprooch vom Buddhismus verwandt. Uf Ardhamagadhi sind vill Schrifte vo de Jaina verfasst. Drum isch die Sprooch wichtig för d Erforschig vom Jinismus.

Merchmool vom Ardhamagadhi gegenöber em Sanskrit sin d Abschwächig vo intervokalischem /t/ und /p/ (skt. Ajita, Sumati; amg. Ajiya, Sumai - skt. Draupadī, amg. Dovaī), Assimilierig vo Konsonantegruppe (skt. Rukmiṇī, dharma, amg. Ruppinī, dhamma), Monophthongierig vo /au/ (skt. Gautama, amg. Goyama), Palatalisierig (skt. Pradyumna, Yakṣa, amg. Prajjuṇṇa, Jakkha) und Realisierig vo silbischem /ṛ/ as e Vokal (skt. Kṛṣṇa, Ṛṣabha, amg. Kaṇha, Usabha).

Literatur[ändere | Quälltäxt bearbeite]