Apsidiole

Us der alemannische Wikipedia, der freie Dialäkt-Enzyklopedy
Hops zue: Navigation, Suech
En Apsis und zwei Apsidiole in dr orthodoxe Kathedrale vo Jaroslawl z Russland

En Apsidiole, au Apsidiale, isch e chliini Apsis. In Chille mit drei Apsene, sait me so de undergeordnete Apsene rächts und linggs vo der Hauptapsis. Au de Apsiskapälle, vor allem wenn si ins Innere vo der Chille vorstöhn und d Form von ere Apsis hai, sait mä so. Noch em Francis Bond in siiner Gothic Archtecture in England (S.163) hai d Normanne noch dr Eroberig vo England 1066 dört dr normannisch Chillegrundblan iigfüehrt, wo d Apsis im Oste vo zwei Apsidiole umgä gsi isch.[1]

Au dr Moscheebau kennt d Apsidiole. D Moscheä si so usgrichtet, ass d Hinterwand vom Bätsaal in Richtig vo Mekka zeigt. In dr Middi vo dere Wand git s hüfig en Absidiole, dr Michrab. In dr Omajadeperiode hai die stränggläubige Muslim die Apsidiole abglähnt as e Neuerig, wo vo de Christe übernoh worden isch und bi dene für d Zurschaustellig vo Heiligebilder dient het.[2]

Etymologii[ändere | Quälltäxt bearbeite]

S Wort stammt us dr Ziit vo 1885 bis 1890 vom Französische absidiole, equivalänt mit abside (Apsis) vo Middellatiinisch absid- + -i- + -ole, wo ole e Suffix isch wo hüfig in französische Lehnworter bruucht wird, meistens as Diminuitiv.[3]

Nowiis[ändere | Quälltäxt bearbeite]

  1. New Adfvent: Apsidiole
  2. Maurice Gaudefroy, Muslim Institutions, George Allen Unwin LTD London 1950, S.77
  3. Dictionary.com: apsidiole