Antivirenprogramm

Us der alemannische Wikipedia, der freie Dialäkt-Enzyklopedy
(Witergleitet vun Antivirus)
Hops zue: Navigation, Suech

Es Antivirus-Programm, Antivireprogramm oder e Antivire-Software isch es Programm, wo för Compjuter entwickled wird, zum Schutz vor Schäde, wo im Zämehang mit em Internet chönd entstoo.

Antivirusprogramm schützäd än Pc vor Virä, Würmer, Trojanär, Rootkits, Phishing, Ad- und Spywär ond werdit als zuäsätzlechi Sicherheit, wo scho vonerä Firewall, also än Schotz vo jedäm DSL-Aabütär bzw. Modem ad Internetverbendig, au uf äm Pc sälber installiert. Das esch diä Softwär, won bim Surfä und Maile vomenä Kriminellä chönt uf em Rächner platziärt werdä. Defür muäss d' Softwär, wo mer för dä Schotz vomenä Rächner uswählt, vo de Websiitä vom Herställer im Internet odär vomenä Späichermedium, abegladä bzw. usgfüert werdä. Es esch sehr z' empfähle, dass äs Antivirusprogramm au emmär vor dä anderä Installationä scho uf äm Rächner zuägfüegt wordä esch.

Äs Antivirusprogramm luägt au, dass än Virus uf em Pc ned cha gstartät werdä. So chan s' Betriibssystem, mäist esch s' Windows instlliärt, ned manipuliert odär gar beschädigt werdä. Usserdäm kennt äs Viräprogramm au scho infiziertä Websiit, wo scho früenär als kriminell oder bzw. als vo Häcker kontrolliärts Programm identifiziert wordä esch. Diä werdät vo Secherhäitsfermenä erfasst ond emmer wedär überprüäft. Die Wächtigschte Funktionä uf emäne Pc wo fürnä Häcker chontäd missbrucht werdä send e-Mailprogramm odär Internetprogramm. Diä werdät mäischt vom Antivirus beobachtet ond vor Schädling gschützt. Zum Schotz für än Computer getz au mehreri anderi wechtigi Vorkehrigä z' beachtä. Biispelswiis söt mer diä wechtigä Datä uf äm Rechnär emmär zuesätzlech met emäne persönlechä Passwort schötzä ond dass au als Gheimcood sechär ufbewahrä.

Ussert dem esch äs au en sehr grossä Schutz, wenn mer för de Betriib emmär wider diä aktuellschtä Programm chauft, bzw. diä Programm uf äm neuistä Stand haltät. Also regelmässig de Pc iischaltä und am Internet aschlüssä dämit er diä Programm chan met dä neuiä Data abspäicherä. Äs get verschedäni Antiviräprogramm, wechtig esch dass mer äis für sin Rechnär wählt, wo mer au vo de Sproch guet verstoht, oder zumendest luegt öb vom Herstellär gnuäg Hilfsläistigä vorhandä sind. Normalärwiis wot än Kriminellä uf äm Pc öpis abspäicherä, dämit er den öbär diä Installation, chan Datä usspionierä oder dä Rächner manipuliäre, also zumenä zusätzlechä Teili vo sim Neztwärch zmachä, also z. B. äs Häckernetzwärk z' vergrösserä. Das hindärlot den abär au gwüssi Spurä uf em Pc. Falls äs mol äs Problem met äm Rächner get, het mer ä so au d' Möglechkäit, das met äm Softwärherställer wedär chönä z' lösä.

Hersteller vo Sicherhäitprogramm send Avira, Gdata, Kapersky, Mc Afee, Norton ond au Microsoft sälber. Äs Antivirusprogramm esch hüt zwengänd nötig dämit än Rechner net dor Virä us äm Internät beschädigt odär entwendet werde, bzw. uspioniert odär vo Hacker missbrucht wird.