Quälltext vu Ägäisches Meer aaluege

{{coord|39|N|25|E|source:wikidata|display=title}}
{{DISPLAYTITLE:Ägäis}}
[[Datei:Aegeansea.jpg|thumb|upright=2|250px|''d Ägäis vom Weltall uus gsie'']]
D '''Ägäis''' oder s '''Ägäische Meer''' ({{ELSalt2|Αἰγαῖον πέλαγος, ''Aigaion pelagos''}}; [[Neugriechische Sprache|ngr]]. ''Αιγαίο Πέλαγος, Egeo Pelagos'', [[Türkische Sprache|türk]]. ''Ege Denizi'') isch e Nebemeer vom [[Mittelmeer]]. D Ägäis ghört zum grösst Tail zu [[Griechenland|Griecheland]] und zum chlinnere Tail zu de [[Türkei|Törkai]].

==Geografii==
D Ägäis litt im nordöstliche Tail vom Mittelmeer. Im Oste und Norde werds vo de griechische Chüste abgrenzt und im Oste vo de türkische Chüste. Im Süüde bildet d Insle Kythera, Antikythera, [[Kreta]], Kasos, Karpathos und [[Rhodos]] d Grenze gege s Mittelmeer. Im Nordoste gönd d Dardanelle is [[Marmarameer]] und vo dai gööts öber de Bosporus is [[Schwarzes Meer|Schwarzi Meer]].

===Insle===
D Ägäis isch e Meer mit vile [[Insel|Insle]], wo i sibe Gruppe itailt wered:
* Thrakischi Insle (Thasos, Samothrake, [[Imbros]], [[Lemnos]])
* Ostägäischi Insle (Lesbos, Chios)
* Nördlichi Sporade (Magnesischi Insle, Skiathos)
* Südlichi Sporade (Samos, Kos, Rhodos, Karpathos)
* Kyklade (Delos, Naxos, Paros, [[Santorini]])
* Saronischi Inseln (Salamis, Ägina)
* Kreta
Dezue chunnt no d Insle Euböa.

==Gschicht==
[[Datei:Cycladic harp player.jpg|thumb|200px|''e kykladischi Skulptur, 3.Joortuusig v.&nbsp;Chr.'']]
[[Datei:Knossos fresco of dolphins in queen's palace.JPG|thumb|200px|''e minoisches [[Fresko]]'']]
De Ägäisch Ruum cha as Wiegi vo de europäische Kultur agluegt were. I de [[Bronzezeit|Bronzezitt]] isch uf [[Kreta]] di Minoischi Kultur verbraitet gsii, wo en aignigs Schriftsystem ghaa het. Die isch vo de Mykenische Kultur ufem südliche griechische Festland öbernoo wore. Uf de Kyklade het sich scho früe di Kykladischi Kultur entwicklet und a de Ostchüste hend [[Troja|Troia]] und s [[Hethiter|hethitische]] Land Arzawa a d Ägäis grenzt.

Nochem Zämebruch vo de bronzezittliche Kulture um 1100 v.&nbsp;Chr. isch de ägäischi Ruum meriri Joorhundert ooni grossi Bidüttig blibe. Abem 8.Jh. het sich die hellenischi Kultur entwicklet, wo sich öber wiiti Tail vom Mittelmeer verbraitet het. Mit de Iigliderig vo de Grieche is [[Römisches Reich|Römische Riich]] het di lebeschräftigi Kultur und Philosophii vo de Grieche e grosse Iifluss uf d Römer uusgüebt.

Nochem Zämebruch vom [[Römisches Reich|Römische Riich]] im früene [[Mittelalter]] isch d Ägäis zum [[Byzantinisches Reich|Byzantinische Riich]] choo, wo di alti Kultur witterpflegt het, aber uf eme starche christliche Hindergrund. Noch de [[Kreuzzüge|Chrüzzüüg]] hend vor alem di italienische Stadtstaate [[Genua]] und [[Republik Venedig|Venedig]] sich um d Insle i de Ägäis gstritte. Die sind wichtig gsii, för de Handel mit de Piet am [[Schwarzes Meer|Schwarze Meer]] und öber seb au mit [[China]].

Schliessli isch de ganzi ägäisch Ruum zum [[Osmanisches Reich|Osmanische Riich]] choo. Erst d Loslöösig vo Griecheland usem Osmanische Riich im Endi vom 19. Jh. het im End zu de hüttige politische Laag i de Ägäis gfüert.

== Lueg au ==
* [[Ägäischer Vulkanbogen|Ägäische Vulkanboge]]

== Weblink ==
{{Commonscat|Aegean Sea|Ägäischs Meer}}

{{Normdaten}}
{{DEFAULTSORT:Agaisches Meer}}
[[Kategorie:Mittelmeer]]
[[Kategorie:Ägäischs Meer| ]]