Es E-Mail [ˈiːmeːl] (churz Mail; änglisch electronic mail „elektronischi Post“) isch e briefähnlichi Nachricht, wo uf elektronischem Wäg in Computernetzwärk verschickt wird.
Um E-Mail schicke oder empfange z chöne, muess me näbed em Zuegang zum Internet, eme E-Mail-Programm uf em Computer oder eme Konto bim ene Webmail-Dienst natürli e E-Mail-Adrässe ha, wo öpe eso chönt usgseh: Hans.Muster@bluewin.ch
E-Mail wird als dr wichtigst Dienst vom Internet aagluegt, wichdiger no as s World Wide Web, und er wird mee brucht als alli andere. Ei Grund für daas isch, wil mä per E-Mail Text-Nachrichte und digitali Dokumänt (also z. B. Grafike oder Office-Dokumänt) in e baar Sekunde uf die anderi Site vo dr Wält cha schicke.
E-Mail chame erst sit aafangs vo de 80-er Johr verschicke. Vorhär hät me Nochrichte per Brief, Telegramm oder Fax übermittled.
Literatur
[ändere | Quälltäxt bearbeite]- Etienne Ruedin, Carla Buser: e-Mail – der Zwitter. Vermeintliche und wirkliche Einflüsse des e-Mails auf den Menschen. Benziger Bildung - Émosson, [Zürich] 2008, S. 90 (Lulu (USA) – Zusammenfassung der gängigen und nicht einheitlichen Definitionen von e-Mail in der Wissenschaft aus Sicht von Sprache, Gender, Terminologie, Geschichte, Entwicklung, Technik. Ohne ISBN).