Quälltext vu Zeus aaluege

{{Dialekt|Vorarlbergisch|Vorarlbärgisch|Vorarlbärgisch}}

'''Zeus''' ({{ELSalt2|Ζεύς, Zeús}}), Sohn vom [[Kronos]] und vo da [[Rhea]], isch da högschte olympische Gott in der griachischa Mythologie und mächtiger wia n alle andara Götta zäm. Bloss geg s sine Töchta, d Moire, s personifizierte Schiksal, isch o er machtlos.

Bi da Röma hot ma dm högschta Gott [[Iuppiter|Jupiter]] gset.

== D Machtergriifung vum Zeus ==
De Kronos hot alle sine Kind glei noch da Geburt gfreassa, will er Angscht ghet hot, dass se eam d Macht wegnea künnten so wia er‘s seal mit sinem Vata to hot. Drum hot d Rhea de Zeus heimli in ra Höhle uf [[Kreta]] uf d Wealt brocht, und m [[Kronos]] an Schtoa zum Freassa gea. Der isch eam aba so schwer im Maga gleaga, dass er a Breachmittl nea hot müssa, und zäm mit deam Schtoa ho a alle andra Kinda wieda usgschpuckt.

Und wia de Kronos befürchtet hot, hond sine Kind ean agriffa und ean und sine Gschwischta, dia Titana, mit Hilfe vo da Zyklopa, wo m Zeus Blitz und Donna als Waffa gea hond, besiegt und inn [[Hades|Tartaros]] gschtürzt. Danoch hot Zeus no gegs dia Giganta und n [[Typhon]] kämpfa müassa, aba am Schluß hond Zeus und sine Gschwüschta gwunna und d’Herrschaft untaranand usglosat: de Zeus hot n Himml kriagt, de [[Poseidon]] s Meer und de [[Hades (Gott)|Hades]] d [[Hades|Untawealt]].

== Kind vum Zeus ==
Vahürota gsi isch Zeus mit sinara Schwöschta [[Hera]], mit derra er o Kinda ghet hot, zum Biischpiel de [[Hephaistos]], Gott vo da Schmiedekunscht. Daneabs aba hot a no an Huufa Sitaschprüg pfleagt: Dia Göttin [[Leto]], Tochta vom Titana Koios, hot vo eam de [[Apollon]], Gott für Licht und Musik, und d [[Artemis]], Göttin vo da Natur und da Jagd, kriagt, d [[Leda]] isch d Muatta vo da [[Dioskuren|Dioskure]] Kastor und Polydeukes wora, und so wita – s hot an Huufa [[Nymphe]], Halbgöttina und Schterbliche gea – aba bi koanara isch a lang bliba, wiil sine Fro Hera giifarat hot. Bloss mit m [[Ganymedes|Ganymed]], nam Königssohn isch a länga zäm gsi. Der si nämle so schöa gsi, dass de Zeus ean mit uf n [[Olymp]] gno und als Mundschenk bi sich bhebt hot.

Manchmol isch de Zeus o als Schtier, Schwan, goldana Reaga, oda so Vata wora, und zwo vo siina Töchta hot a ganz ohne Fro kriagt: d [[Aphrodite]], Göttin vu Schönheit und Liebe, isch usm Meerschuum ko, und sis Lieblingskind, d [[Athene]], isch sogäär us siinem Schädl gschtiga.  


{| border="0"  align="center" style="border: 1px solid #999; background-color:#FFFFFF"
|-align="center" bgcolor="#CCCCCC"
! Frau !! Kind(er)

|-----
| [[Demeter]]
| [[Persephone]]
|-----bgcolor="#EFEFEF"
| Dione 
| [[Aphrodite]]
|-----
| Eurynome 
| d [[Chariten|Charite]]
|-----bgcolor="#EFEFEF"
| [[Hera]]
| [[Ares]], [[Eileithyia]], [[Hebe]], [[Hephaistos]]
|-----
| [[Leto]]
| [[Apollon]], [[Artemis]]
|-----bgcolor="#EFEFEF"
| Mnemosyne  
| d [[Muse (Mythologie)|Muse]]: Melete, Mneme, Aoede, Klio, Melpomene, Terpsichore, Thalia, Euterpe, Erato, Urania, Polyhymnia, Kalliope
|-----
| Themis 
| d [[Horen (Mythologie)|Hore]]: Eunomia, Dike und Eirene und d [[Moiren|Moire]]: Klotho, Lachesis und Atropos
|-----bgcolor="#EFEFEF"
| Alkmene
| [[Herakles]]
|-----
| Antiope
| Amphion, Zethos
|-----bgcolor="#EFEFEF"
| Kallisto 
| Arkas
|-----
| Danae
| [[Perseus (Sohn des Zeus)|Perseus]]
|-----bgcolor="#EFEFEF"
| Elektra
| Dardanos
|-----
| [[Europa (Mythologie)|Europa]]
| [[Minos]], Rhadamanthys, Sarpedon
|-----bgcolor="#EFEFEF"
| [[Io]] 
| Epaphos
|-----
| Laodamie
| Sarpedon
|-----bgcolor="#EFEFEF"
| Leda
| [[Dioskuren|Kastor und Polydeukes]], [[Klytaimnestra]], [[Helena (Mythologie)|Helena]]
|-----
| Maia 
| [[Hermes]]
|-----bgcolor="#EFEFEF"
| Niobe
| Argos, Pelasgos
|-----
| [[Pluto]]
| [[Tantalos (Mythologie)|Tantalos]]
|-----bgcolor="#EFEFEF"
| [[Semele]]
| [[Dionysos]]
|-----
| Taygete
| [[Lakonien|Lakonie]]
|}

== Lueg au ==
* [[Dyaus]]

== Literatur ==
* Edward Tripp: ''Reclams Lexikon der antiken Mythologie''. Stueggert, 1991. ISBN 3-15-010371-1
* {{DNP|12/2|782|791|Zeus|Balbina Bäbler|}}

== Weblink ==
{{commonscat|Zeus}}
* https://web.archive.org/web/20011211182537/http://homepage.mac.com/cparada/GML/ Carlos Parada's Link zur griechischen Mythologie
* https://web.archive.org/web/20181228130621/http://haidukpress.com/ Die Geschichte von Zeus und Ganymed
* https://web.archive.org/web/20051129042338/http://www.theoi.com/Cult/ZeusCult.html Zeuskult
* https://web.archive.org/web/20051230225140/http://www.theoi.com/Erotes/ZeusLoves.html Das Liebesleben des Zeus

{{Navigationsleiste Die zwölf olympischen Götter}}

[[Kategorie:Griechischi Gotthait]]
[[Kategorie:Männlichi Gotthait]]
[[Kategorie:Mykenischi Gotthait]]
[[Kategorie:Hauptgotthait]]
[[Kategorie:Dunnergotthait]]