Soidawirschdle

Dialäkt: Schwäbisch

Soidawirschdle

Mid Soidawirschdle, au Wiener Würschdle (odr blos Wienerle, schwizerdütsch Wienerli), Krenwürstli, Frankfurter Würstl (österreichisch ond Holland, em deidscha au Frankfurter), en dr Passauer Gegend Thurner-Würstl oder kurz Thurner, moind ma denne Brüahwürschd en ara denna Haud. Dia Wirschdle send a Variatoo vo de Frankfurter Würschdle. Frankfurter Würschdle soddad blos aus Rendfloisch gmachd werra, en de Soidawirschdle derf au Schweinsfloisch nei.

Beschdanddoil

Soidawirschdle send a Mischong aus Schweinsfloisch, Rendfloisch ond manchsmol au Kalbfloisch ond (nadierle) Gwürz en ara denna Hüll.

D Herschdellong

Wia bei faschd älle Wirschd wurd s Floisch en ama 'Kuddr' zrmahla. Do drbei kommd manchsmol Eis nei, drmid dia Mass ned z hoiß wurd. S Floisch muaß au schlachdfrisch sei, drmid d Bendong ohne Hilfsmiddl bassierd.

Nach em abfilla en en Saidleng od em Portioniera (mr drehd dr Darm an dr Schdell mo s Gwichd bassd) werrad se a bissle graichrd. Dia Schdell, mo d Wirschdla auf dr Schdang aufglega hend, siehd ma schbädr ond des isch au a Zoicha fir a handwerkliche Produkzioo.

Gschichd

Wia bei ällem was Erfolg hod, schdreidad d Leid om d Urhebrschafd. Des zoigd se au an de vrschiedene Nama. Oinr vo de erschde mo drmid vrknübfd isch, war a Metzgr: Johann Georg Lahner. Der isch vo Frankfurt nach Wien zoga. Des däd d vrschiedene Nama erklära.

Guck au

• Schwäbische Küch

Nedsadressa

• BVDF - Bundesverband der Deutschen Fleischwarenindustrie e. V.

Mo s her isch

Dä Artikel basiert uff ere fräie Übersetzig vu dere Version vum Artikel „Wiener_Würstchen“ vu de deidsche Wikipedia. E Liste vu de Autore un Versione isch do z finde.